4. Ragam ni Ulaon Adat.

Molo masa ulaon Adat, tontu na adong do na manghasuhuthon, ima nanigoaranna Suhut. Mangihuthon prinsip Dalihan Natolu, si sada hasuhuton do na mardongantubu; sada do nasida maradophon luarna (external), alai ianggo dibagasan (internal), martangga tangga do parsolholtonna. Umpasa ni halak Batak mandok :

    

Martampuk do bulung, marbona sangkalan

Martanda do suhut, marnampuna ugasan.

Laho pataridahon/patandahon, ise do suhut nampuna ugasan, digoari ma i Suhut Sihabolonan, sipata didok Bona ni hasuhuton. Molo taparrohahon partupa ni ulaon  i, adong do na holan sada suhutna (sapihak), adong do na dua (dua pihak), alai dang hea adong na lobi sian dua. Jadi, molo mamereng hita sian i, holan dua bagian (dua kelompok) do sude adat sihabatahon i, i ma: ulaon Sisada Hasuhuton dohot ulaon Sidua Hasuhuton.    

Adong do ulaon sisada hasuhuton i na holan sada keluarga nametmet (keluarga batih) suhut sihabolonanna, adong do na sada keluarga besar (saompu). Molo di ulaon saompu, sude do nasida na saompu i digoari suhut sihabolonan, alai, asa adong uluanna, dipillit nasida ma sahalak nanigoaranna Partalitali bonang; Somalna, sai natumua jala siangkangan ni partubu nasida do i dipillit.

4.1. Na tarmasuk tu kelompok ulaon sisada hasuhuton, i ma

       4.1.1. Ulaon sisada hasuhuton Haroan las ni roha

       *    Ulaon na marhadomuan tu bagas sibagandingtua.

            -   Paulak tukang.

            -   Manuruk jabu.

            -   Mangompoi jabu

       *    Mangirdak/mambosuri/pasahat ulos tondi       

       *    Mangharoani natubu (Esekesehan)

       *    Mamoholi/pasahat Aek ni Unte.

       *    Paias papan/Cuci tikar/Mangalap pahompu

       *    Mebat/Paebathon

       *    Martutu aek

       *    Tardidi

       *    Malua/lepas sidi

       *    Tammat singkola/wisuda

       *    Adat Napuran/Adat marsantabi.

            -   Mangalangkai.

            -   Manjou Hulahula ni naso niadathon dope.

            -   Mangganti goar.

            -   ManulangiTulang (Parmisi) 

       *    Mangupa (adat tu na tarsonggot/malua sian mara) 

       *    Manulangi natuatua :

            -  Sulang sulang pomparan (Pasahat sipanganon natabo)

            -  Sulang sulang sa ompu (Martumbur ni arung)

            -  Sulang sulang hapunjungan/tohontohonan.

            -  Sulang sulang hariaan. (Hariapan)

        4.1.2. Ulaon sisada hasuhuton Habot ni roha / Arsak ni roha  

        *. Adat namarhadomuan tu parmateon

     -  Adat Parolangolangan (tu naposobulung/namate matipul

     -  Adat Mardalan di nabolon (tu namate hatungganeon 

         dohot na mate mangkar).

     -  Adat na gok (tu namate sarimatua, saurmatua  dohot na        

     mate  saurmatua mauli bulung).

        * Mangongkal holi/Panangkok saring saring.

        * Mangarasmihon Simin/Tugu partanda.     

   

 4.2. Na tarmasuk tu kelompok ulaon sidua hasuhuton, ima : 

        * Manuruk nuruk.

        * Mangadati.

        * Pasahat sulangsulang ni pahompu.

        * Marunjuk.

        * Pasahat batu ni sulang (adat marboru ni Tulang).

Tweet

Subscribe to receive free email updates: