8. Sarana, prasarana (Media) peradatan

Sude Sarana/Prasarana adat, selalu menggunakan media berbentuk simbol yang mengandung makna khusus, terdiri dari :

8.1. Media waktu : 

1. Parnangkok ni Mataniari :  Simbol pengharapan di ulaon adat  haroan lasniroha;   Simbol parmateon Sarimatua, mompo diparnangkok ni Mataniari,  patuduhon na adong dope tangga ni parmateon  natumimbo. 
2. Bot ni ari: Simbol ni parmateon Saurmatua, dohot Saurmatua maulibulung; mompo di bot ni ari, patuduhon naung sungkot suhatsuhat ni ngoluna, dang adong be parmateon na tumimbo sinangkohanna.

8.2. Media Dengke.

Dengke do simbol haulion ni borua; mardomu tusi, adong do hata mehet (Pameo) namandok Pangeol ni gontingna, tar songon dengke namangolu. Dua ragam do dengke na masuk gabe Media adat Batak Toba, ima : 

1. Ihan Batak/Dengke Layan (Sejenis ikan Jurung)                                                                Mangihuthon inganan hangoluanna (Habitatna) di Aek natio, gabe digoari Dengke Sitiotio.      Mangihuthon fungsi / tohonanna, simbol ni Siboru  muli, gabe di goari Ulu ni Dengke. 
2. Ihan Mas                                                                                                                                        Simbol ni Panaru. Najolo, molo muli siboru, adong do donganna  naborua manaruhon ibana sahat tu huta ni paranak, ima na nigoaranna Panaru.                                                                      Hombar tu fungsi/tohonan ni panaru i, na mangudurhon do, dibahen ma simbolna Ihan Mas, jala digoari ma i, Dengke Simudurudur.                                                                                  Simbol keberhasilan/kesuksesan : digoari Dengke Sahat.                                                          Simbol ni umur matua, ditingki na pasahat Sulang sulang hariaan/hariapan, digoari Dengke Saur.

8.3. Media Juhut / Pinahan.     

Juhut ni pinahan do simbol hajogion (keperkasaan) ni Baoa;  mulamula, andorang so piga dope jolma, dibahen ma manuk jambe gabe simbolna, dung i Hambing, Lombu, ujung na, sahat ma tu Horbo, jadi, disesuaihon do tu perkembangan ni penduduk na manganhon. 

• Sisasisa adat lama yang menggunakan ayam jago sebagai simbol, masih terdapat di daerah peradatan Simalungun dan Karo. 
• Pada zaman dahulu, hingga masa pemerintahan Raja Sisingamangaraja  IX, hewan Babi tidak termasuk dalam media adat, karena orang Batak adalah penganut agama Malim,  berpantang makan daging Babi.

8.3.1. Tudutudu ni sipanganon.

Diulaon sisada hasuhuton, diparade hasuhuton do lompan juhut angkup ni indahan las, panganon ni angka tutur na niontangna. Sian pinahan napinotong bahen lompan i, dipapulik do bagian-bagian tertentu, ima na nidokna Namargoar, jala sude namargoarna i,   didokma i Tudutudu ni sipanganon.     

Hombar tu prinsip: diboan goarna do daina, marhite namargoar ni Tudutudu ni sipanganon i, nungnga dipabotohon jala dipatuduhon, naung adong angka natinuduna; na margoar dia ma tu Hulahula, dia tu Boru dohot angka na asing na dianggap patut manjalosa. (Tudutudu=Simbol). Dipatupa suhut pe angka na margoar i, dalan/parhitean do i laho pasangaphon angka raja ni tutur na ni ontang na. Jadi, molo ni   rimang rimangan pambahenan i, ianggo diulaon adat sisada hasuhuton, bernilai penghormatan do Tudutudu ni sipanganon i, dang bernilai  hak; tontu ala ni i do umbahen na boi najolo, dipadalan Tudutudu ni sipanganon i ditingki parmanganon; dang pola  ingkon jolo dikonsep i, mangido panolopion sian angka raja na ro, ai holan sada do solup ni adat na berlaku disi, ima solup ni  adat ni suhut, jadi berlaku  ma disi prinsip sidapot solup na ro.

.

8.3.2. Jambar / Parjambaran.

          

8.3.2.1   Latar belakang munculnya parjambaran

Mangihuthon pandok ni angka natuatua para pemuka adat, ianggo najolo ninna, nang pe diulaon sidua hasuhuton (perkawinan), saling bertukar simbol do pihak paranak dohot pihak parboru; Juhut na marpanggoari Tudutudu ni sipanganon (Simbol ni pangoli) ma dipasahat paranak tu parboru, jala Ihan Batak namargoar Dengke sitiotio/ulu ni dengke (Simbol ni siboru muli) dohot Ihan Mas na margoar Dengke Simudurudur (Simbol ni panaru/ namangudurhon) ma dipasahat parboru  tu paranak.

       

Di angka tingkina, lam suda ma Ihan Batak/Dengke layan di tano Batak, mansai maol ma  dapot luluan, gabe tubu ma pemikiran mambahen gantina, alai ianggo dengke mas, mulai dung masuk dengke i gabe media adat Batak, torus do adong sahat tu tingkion. Dimasa transisi/peralihan i, tarida (muncul) ma ragam ragam ni media pengganti na imbaru ; adong namambahen Dengke Mas (naumbalga) gabe ulu ni dengkena mangganti Ihan Batak, adong namambahen Lombu sitiotio gabe ulu ni dengkena (angka parboru paradongan ma i/namora) alai umumna, dielek parboru ma  paranak asa laos sian Tudutudu ni sipanganon/parjuhut na i ma na  gabe ulu ni dengkena, mulak tu paranak, tubu ma istilah Ulu ni dengke mulak. Mardosniroha ma paranak dohot parboru, tubu ma umpasa :

             Aek godang tu aek laut,  dos ni roha sibahen na saut.

            jolo diseat hata ma, asa diseat raut..

Ala naung dos rohanasida, laos parjuhut na i, i nama ulu ni  dengkena,  dihatai ma parbagina, na gabe  hak  ni masing-masing pihak. Jadi, bagian naung ditontuhon berdasarkan dos ni roha/ kese pakatan i, ido na nigoaranna jambar, na marlapatan bagian. Ala nungnga songon i parpeakna, tubuma istilah parjambaran/ parbagianan. Jadi, na mardomu tu hatorangan on do umbahen na nidok dijolo ni on, Tudutudu ni sipanganon bernilai penghormatan ; jambar bernilai Hak berpeluang tuntutan.

Molo tapamanat jala taparateatehon kronologis ni perubahan i, boi dohonon, holan di ulaon sidua hasuhuton do na ampit pamake ni istilah Jambar/Parjambaran; ianggo di ulaon sisada hasuhuton, istilah Tudutudu ni sipanganon do dipake, adong do spesifikasi ni istilah.

8.3.2.2. Ragam ni  Jambar

Mangihuthon hatorangan napinapungu sian angka natuatua/para pemuka adat,  holan dua ragam do ninna goar  ni jambar, ima :

8.3.2.2.1. Jambar niadopan          

Digoari pe parjambaran i, jambar niadopan, ala dipaadopadop na dua hasuhuton do, lapatanna dua  pihak paadopadophon laho marbagi.

(berlaku prinsip Jolo diseat Hata asa diseat Raut).

8.3.2.2.2. Jambar taripar.

Dung dibagidua jambar i berdasarhon dos ni roha ni  hasuhuton nadua pihak, ganup pihak manjalo/mambuat bagianna be, dipataripar masing-masing suhut ma i tu angka raja na ni ontangna, na patut manjalosa, hombar tu adat ni suhut sihabolonanna be, gabe digoari ma i jambar taripar. (berlaku prinsip : Sidapot solup na ro).

8.3.3. Partording ni parjambaran/Jambar.

Diparmulaan ni adat marbagi jambar i, tung manat do angka ompu naparjolo i mangalului jalan keluarna (solusi), ditontuhon nasida ma ojahan/dasar pembagian ni jambar i hombar tu  hata namandok: 

• Uli di hamu, denggan dihami,
• Tampuk ni Pusupusungku do damang da Ucok, Urat ni  Ateatengku do dainang da Boru.

Songon naung tinaringotan dijolo ni on, dang dohot hinan namar miakmiak (babi) diparadatan ni halak Batak Toba, ala Ugamo Malim do ugamo hatopan ni halak Batak ditingki i; alai dipudian ni ari, dung ro hakristenon, gabe masuk ma dohot namarmiakmiak. Dung masuk namarmiakmiak gabe media paradaton di halak Batak Toba,   tubu ma muse pambagi ni par jambaran na marragam, alai tolu ragam ma i ianggo apala na paltak tarida songon na dibagasan tabel na di toru on

* Unang lupa hita : Nisurathon pe ditoruon partording ni  angka parjambaran na marragam sian namarmiakmiak i, holan na pataridahon kesemrautan i do, dang na gabe andor sipaihutihuton i, ai godang do na so sesuai tu simbolna.

Parbagi ni jambar juhut (Sigagat Duhut)

Bagian ni Paranak	Bagian ni Parboru
1. Namarngingi hambirang   (tu Tulang ni suhut) 2. Osang hambirang (tu Hulahula/ Tulang ni pangoli / sijalo Tintin marangkup) . 3. Tanggalan rungkung (tu Boru) 4. Somba nagok (tu Bona Tulang) 5. Somba-somba tu : a. Bona ni ari b. Hulahula ni haha anggi c. Hulahula naposo d. Tulang rorobot 6.    Tulan tu : a. Tungganehuta/dongan sahuta/STM b. Pariban ni suhut 7.     Panamboli tu :        a. Suhut        b. Dongan tubu 8. Pusupusu (tu suhut), hombar tu hata na mandok: Tampuk ni pusu pusungku do damang da unsok. 9. Pohu/Batisan (jambar na gok Tu angka Raja na ni gonghon)	1. Namarngingi siamun tu tulang ni suhut) 2. Osang siamun (tu Hulahula / Tulang ni na muli/sijalo Upa tulang) 3.    Tanggalan rungkung (tu boru) 4.    Somba nagok (tu bona tulang) 5.    Somba-somba tu: a. Bona ni ari b. Hulahula ni haha anggi c.  Hulahula naposo d. Tulang rorobot 6. Tulan tu:   a.Tungganehuta/dongan sahuta/STM b. Pariban ni suhut 7.    Ihur-ihur tu :  a. Suhut b Dongan tubu c Tulang ni Hela 8. Ateate  (tu suhut), hombar tu hata na mandok : Urat ni ataatengku do dainang da boru 9.   Pohu / Batisan/ (jambar na gok Tu  angka Raja na nigonghon)

   

Parbagi ni jambar juhut sian namarmiakmiak(Babi)

Versi I.

Bagian ni Paranak

Bagian ni Parboru

01. Namarngingi hambirang        (tu Tulang ni suhut) 02. Aliang tu tandok ni Tulang. ? 03. ……? Tu Hulahula     04.  -----? Tu Boru 05.  Sombanagok (tu Bona Tulang) 06.  Somba-somba/Rusuk tu :         a.  Bonaniari         b. Hulahula ni haha anggi         c.  Hulahula naposo         d.  Tulang Rorobot 07.  Soit tu :         a.  Dongan sahuta/STM         b.  Pariban ni suhut 08.  Panamboli tu :         a.  Suhut         b.  Dongantubu 09. Tampuk ni Pusupusu (tu Suhut)  10.  Pohu/Batisan (jambar nagok tu           angka Raja na nigonghon)

01.  Namarngingi siamun        (tu Tulang ni suhut) 02.  Aliang tu tandok ni Tulang. ? 03.  Osang ( tu Hulahula) 04. ……….?.(tu Boru.) 05.   Somba nagok (tu Bona tulang) 06.   Somba-somba/Rusuk tu :         a.   Bonaniari         b.   Hulahula ni hahaanggi         c.   Hulahula naposo         d.   Tulang Rorobot 07.   Soit tu :        a.   Dongan sahuta/STM        b.   Pariban ni suhut 08.   Ihur-ihur tu :        a.   Suhut        b.   Dongan tubu        c.   Tulang ni Hela 09.   Urat ni Ateate (tu Suhut) 10.   Pohu/Batisan (jambar nagok         tu angka Raja nanigonghon)

Versi II

Bagian ni Paranak

Bagian ni Parboru

01. Namarngingi hambirang        (tu Tulang ni suhut) 02. Aliang tu tandok ni Tulang ? 03. ………? (tu Hulahula) 04. Osang    (tu  Boru) 05   Sombanagok ( tu Bona Tulang) 06.  Somba somba/Rusuk tu :     a.  Bonaniari     b. Hulahula ni haha anggi     c.  Hulahula naposo     d.  Tulang Rorobot 07.  Soit tu :     a.  Dongan sahuta/STM     b.  Pariban ni suhut 08.  Panamboli tu :     a.  Suhut     b.  Dongantubu 09. Tampuk ni Pusupusu tusuhut ? 10. Pohu/Batisan (jambar nagok       tu angka Raja na nigonghon)

01. Namarngingi siamun        (tu Tulang ni suhut) 02. Aliang tu tandok ni Tulang ? 03. ……….? (tu Hulahula) 04. ……….? (tu Boru) 05. Sombanagok  (tu Bona Tulang) 06. Somba somba/Rusuk tu:         a.   Bonaniari         b.   Hulahula ni haha anggi         c.   Hulahula naposo         d.   Tulang Rorobot 07.  Soit tu :         a.   Dongan sahuta/STM         b.   Pariban ni suhut 08. Ihur ihur tu :         a.   Suhut         b.   Dongan tubu         c.   Tulang ni Hela 09.  Urat ni Ateate tu suhut ? 10.  Pohu/Batisan (jambar nagok        tu angka Raja nanigonghon)

Versi III

Bagian ni Paranak

Bagian ni Parboru

01. Namarngingi hambirang       (tu Tulang ni suhut)  02. Aliang tu tandok ni Tulang ? 03. ……….?  (tu Hulahula) 04. Osang 1/2 (tu Boru) 05.  Somba nagok  (tu Bona Tulang) 06.  Somba somba/Rusuk  tu : a.  Bonaniari b. Hulahula ni haha anggi c.  Hulahula naposo d.  Tulang Rorobot  07.   Soit tu : a.  Dongan sahuta/ STM b.  Pariban ni suhut   08.  Panamboli tu : a.  Suhut b.  Dongantubu 09.  Tampuk ni Pusupusu (tu ….?) 10.  Pohu/Batisan (jambar nagok        tu angka Raja na nigonghon)

01. Namarngingi siamun       (tu Tulang ni suhut)  02. Aliang ½ tu tandok ni Tulang ? 03. Osang 1/2  (tu Hulahula) 04. ………..?      (tu Boru) 05. Somba nagok  (tu Bona Tulang) 06. Somba somba/ Rusuk  tu :        a.   Bonaniari        b.   Hulahula ni hahaanggi        c.   Hulahula naposo        d.   Tulang Rorobot 07.  Soit tu :        a.   Dongan sahuta/ STM        b.   Pariban ni suhut 08.  Ihur-ihur tu :        a.   Suhut        b   Dongan tubu        c.  Tulang ni Hela 09.  Urat ni Ateate (tu …..?) 10.  Pohu/Batisan (jambar nagok         tu angka Raja nanigonghon)

     

Sian tabel pambagian ni jambar na diginjang i, tarida do: andorang sigagat duhut najolo parjambaran, rap tanggalan rungkung do tu boru ni nadua pihak, hombar ma i tu fungsi tohonanna Domudomu. Jadi, sarupa hinan do parbagi ni jambar i disude luat ni halak Batak Toba; hape dung masuk parmiakmiak, gabe tubu do perbedaan persepsi.     

      

Molo tapaihutihut proses parobahan ni na masa i, boi dohonon, dang ompu Raja ijolo na manontuhon ruhut ni parjambaran sian na mar miakmiak (Babi), angka rajaraja ni luat do na manontuhon i hombar tu dos ni roha nasida di luatna be. Peraturan Daerah (Perda) do i songon ni dok ni hata nuaeng. Ala rajaraja luat do na manontuhon perjambaran sian na marmiakmiak berdasarkan dos ni roha nasida di luatna be, gabe marragam ma paradatan na marhadomuan tu parjambaran juhut, tubu ma umpasa:

Asing dolok, asing duhutna.

asing luat, asing  adatna.

alai, unang lupa hita,

Marasing asing pe duhut,

rap duhut duhut do goarna.

Marasing asing pe adat,

sarupa do ianggo ruhutna.

*.    Molo ni rimangrimangan, jala pinahusorhusor dibagasan roha, pambagi ni jambar juhut sian namarmiak miak (Babi) di versi I dohot versi II, tarida disi adong pihak na bersikeras mampartahanhon osang, asa holan dipihakna, dang olo marbagi dua.

*.    Molo tapahombar tu proses pertukaran simbol i (berdasarkan kronologis), dihilala roha, lobi ampit/lebih relevan do, molo digoari parjambaran i: ulu ni dengke mangihut,daripada digoari jambar mangihut, mardomu tu kenyataanna, dang na mangihut ianggo jambar i, ulu ni dengke do namangihut tu dengke simudurudur dipasahat parboru tu paranak.

*.    Molo nipingkir pingkiran jala pinahusorhusor dibagasan roha, beasa dang rampak dipasahat, ulu ni dengke i, dohot dengke simudurudur, ai nungnga ditontuhon   parbagina ditingki na marpudun saut; jadi boi ma dohonon nian hatana:“dison hupasahat hami dengke sitiotio, dohot dengke simudurudur ….. dst” (simbol ni oroan dohot simbol ni panaru).

*.    Porlu ingotonta Di ulaon sidua hasuhuton, marbagi dua do 0sang, sarupa songon parbagi ni namarngingi; parsiamun di Parboru, parhambirang di Paranak.

8. 4. Media Suansuanan (Tumbuh-tumbuhan).

       1.  Ompuompu (Bakung): Simbol  kebesaran; ala ompu do 

            panjouon na tumimbo di halak Batak.

       2.  Sanggar (Pimping): Simbol kesejahteraan

       3.  Sipilit: Simbol pertahanan, keamanan

       4.  Silinjuang: Simbol matapencaharian

       5.  Hariara, Baringin dohot jabijabi; Simbol kesejukan.

       6.  Ansimun: Simbol halambohon.

       7.  Eme (eme na marlundu): Simbol mata pencaharian petani

       8.  Boras (Boras Pir, Boras siriburribur, Boras si pir ni Tondi):

            Simbol semangat/spirit

       9.  Banebane: Simbol kerelaan memberi.

       10. Dan lain-lain.

8.5. Media barang kerajinan.                      

1.  Ampang (Bakul): Simbol Tohonan ni partuturon suhi  ni   

     ampang  na opat.          

2.  Ulos : Simbol kenyamanan/pengayoman Tuhan

     Ulos na martohonan di adat Batak, antara lain :

     * Ulos Pansamot,

     * Ulos Hela,

     * Ulos Pangamai,

     * Ulos Parorot,

     * Ulos Simandokhon,

     * Ulos Tutup ni ampang,

     * Ulos Saput,

     * Ulos Tujung

     *.Ulos Sampesampe.

     * Ulos Sampetua

     * Ulos Tutup Batang

     * Ulos Gabe,

     * Ulos Habonaran,

     * Ulos Panoropi (sian uduran ni Partogi/Parhara.).c…. dna.

*.    Ditingki na parpudion, tubu do goargoar na imbaru naso adong hinan najolo, antara lain: Ulos Lage, Ulos Parsirangan dohot Ulos Holong; dung ni diskusihon namasa on tu angka dongan natuatua /dongan saparsaoran, toropan do namandok na manamba nambai; dang goar na spesifik Ulos Holong, goar umum do i, ninna nasida ; jala sude ulos, boi do i dohonon ulos holong, tarmasuk ulos Pansamot dohot ulos Hela.

8.6. Media Uning uningan .

1.  Pajongjong Pargonsi. 

Mangihuthon hatorangan ni angka natuatua/pemuka adat Batak,   molo dung satolop pargonsi mangalusi joujou ni suhut, di ari naung binuhul nasida, borhatma pargonsi tu huta ni hasuhuton. Paboa naung sahat nasida diharbangan ni huta, dipalu ma 0gung Panggora, ruarma hasuhuton sian jabuna manomu, laos diarahon ma pargonsi i sahat tu pantar pantar (altar) naung pinarade ni hasuhuton. Torus do masuk hasuhuton i tu jabu, alai ianggo pargonsi i, dipature (dipersiaphon) ma angka ulaula gonsina. Dung sidung diatur pargonsi i parpeak ni angka gonsi gonsina, dipalu nasida ma gondang Batara Guru Humundul, manjou tondi ni guruna, asa dituturi nasida mangulahon ulaonna. Panjouon tu tondi do Batara Guru Humundul, panjouon tu pargonsi  ma Batara Humundul.

     

Mangihuthon haporseaon ni ompu najolo, pitu lampis do langit ni parlangitan, laos pitu do nang ragam ni gondang Batara Guru Humundul (pitu gonsi). Saleleng manghuling gondang Batara Guru Humundul, diorai angka natuatua do marmeami dakdanak di alaman, ai mabiar do nasida gabe hasandaran manang marsahit maon dakdanak i. Dung sidung gondang Batara Guru Humundul na pitu gonsi i, mansohot ma pargonsi mamalu gonsina. Ruar ma suhut sian jabu, manogihon nasida masuk, laos marsipanganon di jabu. Diparmanganon i, dipasahat suhut ma lompan juhut na marpanggoari tudutudu ni sipanganon tu pargonsi. Holan suhut dohot pargonsi do marsipanganon disi, jadi, dang pola mardalan tudutudu ni sipanganon i tu angka na asing, surungsurung ni pargonsi do i.

       

Dung sidung marsipanganon, dipasahat suhut i ma pinggan panungkunan, namarisi : Boras pir, pira ni ambalungan (telur ayam), napuran daonbari naung ni atuk (siap kunyah) dohot ringgit na mardiring/ringgit sitiosuara. Hombar tu isi ni pinggan panungkunan i, dihatahon pargonsi ma i, manungkun hasuhuton taringot tu hata ni panjouon i tu nasida (apa maksud dan tujuan). Dialusi jala dipatorang hasuhuton ma sangkap dohot tahi nasida taringot tu ulaon nanaeng patupaonna. Dung sidung marhata, ruar ma pargonsi sian jabu mandapothon gonsigonsina, hasuhuton pe, marhobas ma nasida laho manortor manuan bonana, ima nanidokna mambonai gondang. 

2. Buhubuhu ni Gonsi

Mangihuthon hatorangan ni angka natuatua, opat bagian do  buhubuhu ni gonsi ima :

*.   Gondang Somba, tu Debata naso marmula naso marujung (sikap tangan marsomba, dang buka tangan, alai marputar ditempat ma  panortor i).

*.   Gondang Mulamula (sikap tangan buka, alai dang sirang).

*.   Gondang Pittapitta (tangan ni panortor bebas mangihuthon irama; dang adong ketentuan na mambatasi manang na piga gonsi pittapitta, marguru tu pangidoan ni si pitta gonsi do).

*.   Gondang hasahatan, ima gondang panutup di sipitta        gondang

3.  Turiturian Hariara Sundung di Langit

Mangihuthon hatorangan ni angka natuatua/ pemuka adat Batak, turiturian Hariara sundung dilangit do nagabe tudostudos di partording  ni   panortoron.

Disuan siboru Deak Parujar ma  sada  Hariara, gabe mardangka  ma i marranting jala marbulung; sahat ma punsuna tu langit ni  parlangitan inganan ni Batara Guru Dung dibereng Batara Guru, punsu ni Hariara i, tuat ma ibana rap dohot surusuruanna, mambahen bungana, asa gabe marparbue. Dimanogotna, diparbinsar ni mata  niari,dibereng si  Boru  Deak Parujar ma naung  marpar bue Hariara na sinuanna i,   dibuat ma i jala didok Tua, ala dapotan tua ibana sian Hariara na sinuanna i. Ia lapatan ni turiturian i songonon ma ninna :

Siboru deak parujar          =   Jolma/manusia (suhut)

Hariara sundung langit     =   Ulaon

Dangka dohot rantingna   =   Dongantubu, Dongan sahuta

Bulungna                        =   Boru, Bere, Ibebere

Batara Guru                    =   Hulahula

Hombar tu lapatan nanigombarhon ni turiturian i, tarida ma partording ni panortoron songon na ditoruon :

8.6.3.1.  Di ari Pangaradeon

*.   Parjolo ma manortor suhut, ala ibana do manuan bonana, di goari ma i, Mambonai gondang.

*.   Manortor Haha anggi/Dongan tubu, Dongan sahuta

*.   Manortor Boru/Bere/Ibebere/Simatua ni Boru.

*.   Manortor Hulahula; ala nasida do na mambahen bungana,didok ma Hulahula Bunga gondang

8.6.3.2.Di mata ni ulaon (Dimanogot na diparnangkok ni Mata niari).

*.   Manortor ma suhut; ala dapot tua do ibana sian parbue ni nasinuanna,  didok ma i mambuat Tua ni gondang.

*.   Manortor Hulahula

*.   Manortor Boru

*.   Manortor dongan tubu/ dongan sahuta/ STM

N.B : Dimata ni ulaon, dung sidung hasuhuton mambuat tua ni gondangna, pintor marudut do tu acara panortoron ni Hulahula, ai mulak do Batara Guru tu Banua Ginjang, dung jolo dipasupasu/ digabei Siboru Deak parujar.

*Ragam ni Gondang Pittapitta, antara lain : Gondang Oloan, Gondang Sampur marmeme, Gondang Liatliat, Gondang Siboru pinahot, Gondang Batara Guru, Gondang Haroharo, Gondang Husiphusip, Gondang Simonangmonang, dohot angka na asing.

Tweet

Subscribe to receive free email updates: