5. Adat na gok Saurmatua Maulibulung (Partangiangan)

1. Adat na gok (Najolo).

      

Sarupa do partording ni ulaon di parmateon Saurmatua maulibulung dohot partording ni ualon di parmateon Saurmatua, holan sijagaronna do na marbeda. Ia sijagaron sanggul marata di na mate saurmatua maulibulung, dipamasuk ma gambiri pamiahi tamba ni sijagaron di namate Saurmatua. (Adong deba namambahen sawan na marisi Aek na marlapatan anggiat dapotan mual natio pomparanna).

Taringot di pardalan ni Tudutudu ni sipanganon, di dabu sian panca do/ mar juhut na tata.

2. Partangiangan (dung hakristenon)

     

Songon naung nipaandarhon dijolo ni on, ianggo partording ni ulaon di adat partangiangan, sarupa do songon di parmateon saurmatua, sanggul marata sijagaronna pe holan gambiri pamiahi do na tamba. Mardomu, ala nungnga dijalo halak Batak na marmiak-miak (Babi) gabe media paradatan, tontu, boan ni namate sipatupaon ni suhut pe, dang pola be sai ingkon sigagat duhut. Jadi, berlaku ma umpasa  namandok:

Ompunta Debata do namanontuhon hosa,

manang sadihari buatonna

alai jolma do namanontuhon,

manang aha sibahenonna

Taringot tu na patut patupaon, sude do umbotosa,

alai taringot tu na boi patupaon, suhut do naumboto gogona

Gaja pinagajagaja, duhut duhut do gagatonna.

Raja pinarajaraja, guru di suhut do hasuhutonna.

Pitu batu martindi,sada do sitaon na dokdok.

Tweet

Subscribe to receive free email updates: