C. Materi bahasan
1. Raja Tinonggo
Najolo, adong do hata mehet (Pameo) na mandok: Adat do na metmet, adat do na balga ; adong do ulaon di jabu, adong ulaon di alaman. Tontu, gumodang do ragam ni sihobasan di ulaon na balga daripada sihobasan di ulaon na metmet.(lebih merepotkan).
Molo di ulaon na metmet (Ulaon di jabu), mampu dope holan paidua ni suhut namangaturhon partording ni ulaon, alai molo di ulaon na balga, (Ulaon di alaman), boleh jadi, dang sanggup be holan paidua ni suhut maniop ulaon i,
Asa boi dapot tumorop Parhobas, ditonggo ma Dongantubu, nahumolang sian paidua ni suhut, jala dipillit nasida ma Koordinator ni parhobas i sian Dongantubu na humolang i, ima na ni goaranna: Raja Tinoggo. Molo ni pingkirpingkiran jala pinahusorhusor dibagasan roha, songon kedudukan ni Ketua panitia do kedudukan ni Raja tinonggo i. Jadi, molo didok Marraja Tinonggo, maksudna adalah mar Panitia; jala na nimaksudna Raja Tinonggo, adalah Ketua Panitia.
Disada pertemuan non formal, na ni hadiran ni angka natuatua, na tardok Raja adat, jala naumboto ruhutruhut ni paradaton, tubu ma sungkun sungkun taringot tu fungsi/tohonan ni Paidua ni Suhut, Raja Tinonggo dohot Parsinabung/Parsinabul dan kapan mereka berperan? Hatorangan sian angka natuatua ditingki i, songononma pandok nasida:
Paidua ni suhut/ Protokol ma maniop Ulaon na metmet (Ulaon di jabu/dalam lingkup kecil); Raja Tinonggo/Ketua Panitia ma maniop ulaon na balga (Ulaon di alaman/ dalam lingkup besar).
2. Raja Parsinabung/Parsinabul
Di ulaon sidua hasuhuton, berlaku do prinsip, jolo diseat hata, asa diseat raut. Dang boi/dang mungkin Raja Tinonggo manontuhon parjambaran dipihak paranak dohot dipihak parboru secara sepihak. Ingkon jolo musyawarah/jolo mardos ni roha do na dua pihak laho manontuhon parbagi ni parjambaran, jadi, hurang ampit (hurang relevan) do dihilala roha, molo taraphononhon sistim Raja Tinonggo di ulaon sidua hasuhuton, songon i nang sebalikna. Mewakili Suhut sihabolonan do fungsi /tohonan ni Raja Tinonggo, alai mewakili pihak do ianggo fungsi tohonan ni Raja Parsinabung/Parsinabul. (Juru bicara ni pihak).
Andorang so dipungka/dimulai marhata (dialog), sai jolo masiparenggetan do jolo na mardongantubu, mamillit sahalak sian nasida na gabe Raja Parsinabung/ Parsinabul (Juru bicara), dung pe tarpillit ibana gabe Raja Parsinabung asa berwenang mangantoi ulaon mewakili pihakna, jala pandonganina/ pendampingna ma paidua ni suhut.
Molo naung ditontuhon/disepakati hinan do ditingki na marpudun saut, bentuk ni parjambaran Ulu ni dengke mangihut/Jambar mangihut, tontu nungnga dibagi / dipadalan i, andorang so masiparenggetan dope mamillit Raja Parsinabung, jadi, dang adong dope kompetensi ni Raja Parsinabung manangani jambar mangihut, ingkon Paidua ni Suhut nama na berkopeten jala na bertanggung jawab maniop i. Molo taanggap sarupa kedudukan ni parsinabung dohot kedudukan ni Raja Tinonggo, olo ma masitihaan hita, ala so masiantusan. Mamereng sian perbedaan fungsi/ tohonan ni Raja Tinonggo dohot Raja Parsinabung dalam lingkup tugas tanggung jawab wewenang dan kewajiban (TTWK), dihilala roha, porlu do adong konsensus pembagian tugas, antara Raja parsinabung dohot paidua ni suhut. Mangihuthon na niida jala na pinaihutihut nasai lelengna on, umumna, olat ni suhi ni ampang naopat do batas kewenangan ni Raja parsinabung, alai, binereng angka namasa, dang apala merata dope marsitiopan tusi, tarida dope adong keragu-raguan.
Adong do deba na berpendapat, ingkon Raja Parsinabung do bertanggung jawab di parjambaran, agia pe jambar mangihut, ninna.
Di na masiparenggetan laho mamillit Raja parsinabung, olo do sipata menyimpang sian hata ni situatua na mandok: Adat, mangalap sangap, ndada na pasombu hisap; Dung sai niparateatehon Tatacara/Prosedur ni na masiparenggetan i, tarbuka do peluang pasombu hisap dengan cara manangkup hata, asa iba parhata, gabe dang adong be wewenang ni suhut mamillit parhatana; kecewa ma suhut, dang jumpang be hata ni umpasa namandok:
Gaja pinagajagaja, duhutduhut do gagatonna.
Raja pinarajaraja, guru di suhut do hasuhutonna.
3. Pasahat Dengke.
Mamereng sian mulana/bonana (asal-usul), Dengke Sitiotio /Ihan Batak do na gabe Ulu ni dengke (simbol ni si boru Muli/Oroan); jala Ihan Mas do na nigoaranna Dengke Simudurudur (simbol ni panaru na mangudurhon/manaruhon).
Dung so haluluan be Ihan Batak na gabe Ulu ni dengke (simbol ni siboru muli), jala dang piga parboru na sanggup mambahen Lombu sitio gabe Ulu ni dengkena mangganti Ihan Batak, tubu ma kesepakatan, asa laos sian Tudutudu ni sipanganon nasian paranak i ma na gabe Ulu ni dengke, mulak tu paranak.(Ulu ni dengke mulak).
Molo nungnga disepakati bentuk ni parjambaran Ulu ni dengke mangihut/jambar mangihut, tontu nungnga boi langsung dibagidua Tudu tudu ni sipanganon naung gabe parjambaran i, sesuai tu kesepakatan ditingki na marpudun saut. (Nungnga diseat hata ditingki na marpudun saut). Molo dung dipasahat paranak Tudutudu ni sipanganon tu parboru, nungnga berhak parboru i mambuat sabagian Tudutudu ni sipanganon naung nisepakatan gabe Ulu ni dengke mulak i, laho pasahatonna mulak tu paranak. Jadi, nungnga boi rampak pasahathon Ulu ni dengkena (simbol ni siboru muli/oroan) dohot Ihan Mas na nigoaran Dengke Simudurudur (simbol ni panaru).
Molo parjolo pinasahat Dengke Simudurudur (Ihan Mas) (simbol ni panaru) sian Ulu ni dengke/Dengke sitiotio (simbol ni siboru muli/oroan) songon namasa sinuaeng on, gabe marlapatan ma i, dipudi ni panaru ma siboru muli/oroan manang boi dohonon, dipudi ni namanaruhon ma natinaruhonna.
Molo niparateatehon namasa nuaeng on, dang dihatahon be Ulu ni dengke mulak (simbol ni siboru muli), gabe Dengke Simudurudur (simbol ni panaru) do dihatahon. Tatimbangi ma dibagasan rohanta, songon dia do patutna ?
Songon naung tinaringotan di jolo ni on, marragam do goar tohonan ni Ihan Mas diparadatan ni halak Batak, jala adong do ketentuanna dipamangke ni goar goar na i (spesifikasi)
Ditingki ulaon parbagason, ala na mangudurhon ulu ni dengke do fungsi/tohonanna, di goari ma i Dengke simudurudur; di ulaon na mardomu tu keberhasilan/kesuksesan, digoari Dengke sahat; di ulaon pasahat Sulangsulang hariapan digoari Dengke saur; di angka ulaon na asing sian nadiginjang i, digoari do dengke sahat.
Mangihuthon na ni ida jala na pinaihut ihut nasai leleng na on, molo pasahat dengke angka na pasahat dengke, nang pe di ulaon sisada hasuhuton, tong do didok Dengke sitiotio, jala tung sude do goargoar ni dengke i didok; adong muse dope na manambai goarna i Dengke na mokmok, hape dang adong istilah dengke na mokmok manang dengke na marniang di adat Batak.
Dipesta parbagason/perkawinan, dinapasahat dengke Hulahula parboru tu paranak pamoruanna, jotjot do ni ida, jolo dipeakhon Hulahula parboru ma dengke i tu jolo ni Hasuhuton paranak, Paidua ni suhut, Boru ni suhut, dohot Dongan sahuta ni suhut, dungipe asa dihatahon (sahali manghatahon, ninna istilahna). Na gabe sipahusor husoron ni roha ima: Beasa gabe parboru mambagi dengkena (dengke simudurudur) dipihak paranak ?
Seiring sejalan do Dengke sitiotio/Ulu ni dengke dohot Dengke simudurudur ; molo memang dianggap patut do parboru mambagihon Dengke Simudurudur i langsung sahat tu suhi ni ampang naopat ni paranak, tontu boi/berhak ma Hulahula i nang mambagihon Ulu ni Dengkemulak i langsung tu suhi ni ampang naopat ni paranak.
Taringot tu Dengke ni Tulang, dang sarupa binereng hasahatanna. Adong napasahathon tu pamoruanna, adong napasahathon tu Berena (Penganten). Molo tu boru do dipasahat dengke i, dang sebagai Tulang be kapasitasna, Hulahula nama, ai Bere do namandok Tulang, tu Tulangna jala Tulang do namandok Bere, tu berena.
Taringot tu bilangan ni dengke sian Tulang tu Berena /Penganten, adong do na mambahen sada, adong namambahen tolu ekor, alai sarupa do goar pandohanna ima dengke Simudurdur. Mangihuthon hatorangan ni angka natua tua/ para pemuka adat, sada/sa ekor do dengke sian Tulang tu Bere/Ibebere, jala dengke sahat do goarna, ala naung sahat nasininta ni rohanasida. Molo didok dengke simudurudur, ba, simbol ni panaru do i, dang patutna simbol ni panaru pasahaton ni Tulang tu Bere/Ibebere na.
4. Taringot tu tingkir tangga.
Dung ro pihak paranak paulak une tu huta ni parboru, borhat ma parboru tu huta ni paranak pamoruanna. Maksud dohot tujuan nasida, asa tangkas do botoonna jala idaonna inganan haojahan ni boruna i; ulaon manopot boru i, i ma nanigoaranna Tingkir tangga. Adong deba dongan beranggapan, asa botoon ni parboru i do manang na martangga gonop manang martangga pisik do jabu ni boruna i; molo martangga gonop, ba hatoban ma i, ninna nasida.
Porlu ingotonta, andorang so masa dope parhatobanon di tano Toba, nungnga parjolo masa adat Tingkir tangga, jadi, dihilala roha dang adong kaitan ni adat Tingkir tangga dohot parhatobanon.
Na gabe sipahusorhusoron ni roha, ima : Molo ulaon pesta ditaruhon jual, dihuta ni paranak do inganan ni pesta, jadi, pada waktu pesta i, nungnga ro Hulahula manopot boruna. Secara otomatis, nungnga diboto jala didege nasida tangga ni jabu ni boruna, jadi, dang porlu be ra nian patupaon tingkir tangga molo pesta ditaruhon jual.
5. Mangalua tu jolo ni Huria.
Berdasarkan pengamatan (Survey), berbeda-beda pendapat dope halak Batak di hapeahan ni adat tu na mangalua tu jolo ni Huria. Sabagian mandok: masuk tu kategori mangadati do, ala nungnga digoari mangalua, alai na deba berpendapat, masuk kategori marunjuk do, ala dang dipasu pasu raja.
Na gabe sipahusor husoron ni roha, ima: Dia do na gabe patokan/na gabe dasar pertimbagan, pamasumasuon i do manang panjaloon ni paranak do, na manjomput boras si pir ni tondi tu simanjujung ni parumaenna? Mangihuthon pandok ni angka dongan natuatua/dongan saparsaoran, molo dung di jomput boras si pir ni tondi tu simanjujung ni pangalua i, nungnga resmi diparaja, ianggo na marsipanganon dohot angka hata sipodaon, kelengkapanna do i (sarana, prasarana), songon i ma pandok ni angka dongan para kritisi adat.
6. Taringot tu parbagi ni Jambar juhut
Torsa/sejarah parmulaan ni jambar/parjambaran, nungnga tinaringotan di Bab II, ala naung maol do luluan Ihan Batak / Dengke sitiotio nagabe Ulu ni dengke (simbol ni si boru muli), jala dang sai tarbahen parboru, Lombu sitio Ulu ni dengkena, gabe dielek parboru ma nanaeng pamoruanna, asa sabagian sian Tudutudu ni sipanganon na sian nasida i, i ma na gabe Ulu ni dengke, mulak tu nasida.(Ulu ni dengke mulak). Molo Lombu sitio do Ulu ni dengke sian parboru, tontu dang tarbege/dang dipake hata/istilah jambar/parjambaran, olat ni hata Tudu tudu ni sipanganon do dohot Ulu ni dengke, na samasama bernilai penghormatan (saling menghormati melalui pertukaran simbol).
Najolo, tongon diparmulaanna diparmasa ni parjambaran i, dang sanga masuk dope namarmiakmiak (Babi) gabe media paradaton ni halak Batak Toba, mardomu di tingki i ugamo Malim do nagabe ugamo hatopan. Ditingki ni sigagat duhut do Tudutudu ni sipanganon sian paranak, mulai masa ma pandohan (istilah) jambar/ parjambaran.
Molo sai niparateatehon parbagi ni parjambaran sigagat duhut songon na sinurathon di tabel naditoruon, paltak do tarida dos ni roha ni jolma ujui, masiamin aminan jala marsitiopan tu hata namandok Uli di hamu, denggan di hami; sahat do tu rimpusu (bagian dalam), dibagi nasida, dibahen gabe simbol, jala dang adong tarida disi unsur hisap.
Tabel parbagi ni jambar juhut (Sigagat duhut).
Bagian ni Paranak | Bagian ni Parboru |
1. Namarngingi hambirang (tu Tulang ni suhut) 1. Osang hambirang (tu Hulahula ni suhut/sijalo Tintin marangkup) 3. Tanggalan rungkung (tu Boru) 4. Somba nagok(tu Bona Tulang) 5. Somba-somba tu : Bona ni ari Hulahula ni haha anggi Hulahula naposo Tulang rorobot 6. Tulan tu : a. Tanduk ni Raja / Tunggane huta b. Raja Tinonggo 7. Soit tu : a. Dongan sahuta/STM b. Pariban ni suhut 8. Panamboli tu : a. Suhut b. Dongan tubu 9. Tampuk ni Pusupusu (tu suhut) 10. Pohu/Batisan (jambar na gok tu angka Raja na ni gonghon) | 1. Namarngingi siamun (tu tulang ni suhut) 2. Osang siamun (tu Hulahula ni suhut/sijalo upa tulang.) 3. Tanggalan rungkung (tu boru) 4. Somba nagok (tu bona tulang) 5. Somba-somba tu: Bona ni ari Hulahula ni haha anggi Hulahula naposo Tulang rorobot 6. Tulan tu : a. Tanduk ni Raja / Tunggane huta b. Raja Tinonggo 7. Soit tu : a. Dongan sahuta/STM b. Pariban ni suhut 8. Ihur-ihur tu : a. Suhut b Dongan tubu c Tulang ni Hela 9. Urat ni ateate (tu suhut) 10. Pohu/Batisan (jambar na gok tu angka Raja na ni gonghon) |
NB. Porlu ingotonta: Di ulaon sidua hasuhuton, marbagi dua do Osang, sarupa songon parbagi ni namarngingi; parsiamun tu Parboru, parhambirang tu Paranak; molo di ulaon sisada hasuhuton Haroan las ni roha, himpal do Osang dipasahat tu Hulahula, ala sada do solup ni adat berlaku disi.
Alasan/Argumentasi umbahen na marbagi dua 0sang di ulaon sidua hasuhuton (Perkawinan), dijelaskan oleh salah seorang tuatua adat/tokoh adat yang kebetulan ber agama Malim (Parmalim),sebagai berikut :
> Tulang ni Siboru muli (Hulahula ni suhut parboru), ima sijalo Upatulang; Tulang ni Pangoli (Hulahula ni suhut paranak), ima sijalo Tintin marangkup. Sarupa do parjojor ni partuturon i dipihak Parboru dohot Paranak; mar Hulahula do parboru, mar Hulahula do nang paranak; mar Tulang do parboru, mar Tulang do nang paranak, mar Bonatulang do parboru, mar Bonatulang do nang paranak, rodi angka udut ni partuturon na asing. Jadi, molo 0sang tu Hulahula ni parboru (Tulang ni namuli), ba ingkon 0sang do nang tu Hulahula ni paranak (Tulang ni Pangoli); molo namarngingi tu Tulang ni parboru, ba, namarngingi ma, nang tu Tulang ni paranak; molo tanggalan rungkung/Aliang aliang tu Boru ni parboru, ba, Tanggalan rungkung/Aliang aliang ma, nang tu Boru ni paranak. Porlu parateatehononta, Hulahula simatua ni Pangoli do Suhut parboru (natoras ni siborumuli), dang Hulahula simatua ni suhut Paranak nasida. Ditoru on, pinaandarhon do sketsa keseimbangan ni partuturon dohot parbagi ni jambar i.
Paranak Parboru
Sombasomba Bonaniari 0 <à 0 Bonaniari Sombasomba
Somba nagok Bonatulang 0 <à 0 Bonatulang Somba nagok
Namarngingi Tulang 0 <à 0 Tulang Namarngingi
Osang Hulahula tangkas 0 <à 0 Hulahula tangkas Osang
Panambol Dongantubu 0 <à 0 Dongantubu Ihurihur/Ondolan
Panampak
Panamboli + Pusupusu Suhut 0 <à 0 Suhut Parboru Ihurihur +Ateate
paranak
Jual Pangoli 0 <à 0 Oroan (Siboru muli). Sinamot
> Taringot tu Tohonan/Fungsi ni Hulahula dohot Tulang, dilehon nasida hatorangan songonon : Sisada parhundul sisada fungsi tohonan do Hulahula dohot Tulang, ala na dipasiat Tulang do Hulahula i gabe donganna sisada pamoruan, tubu ma istilah Hulahula parsiat; gabe pargomgom ma Tulang (passip) Namarngingi ma jambarna; pelaksana ma Hulahula (aktip) Osang ma jambarna. Songon i do partording ni parjambaran i sahat tu zaman ni Raja Sisingamangaraja IX, andorang so masuk namarmiakmiak diparadatan ni halak Batak Toba, ninna nasida.
Parjolo do sigagat duhut sian parmiakmiak (Babi) masuk gabe media paradatan di halak Batak Toba; parbagi ni jambar juhut sian sigagat duhut, nungnga mansai denggan hinan berimbang, marojahan tu hata namandok uli dihamu denggan di hami, jala nungnga hombar simbolna i tu fungsi/tohonanna be.
Prinsip na tinonahon ni ompu raja ijolo mandok: adat napinungka ni parjolo, ido ihutihuton ni nadipudi, jadi ianggo patutna nian ingkon mangihuthon tu parjambaran sian sigagat duhut do nang parjambaran sian na marmiakmiak, ai parjolo do sigagat duhut sian parmiakmiak jadi media paradatan Batak (jadi, ingkon marguru tu hahana do nian anggina).
Mangihuthon pandok ni angka natuatua, najolo ninna, dang masa hinan Aliang aliang tu tandok ni Tulang, ai nungnga adong namarngingi jambarna. Angka uduran do ninna napatut manjalo jambar tandok di ulaon sidua hasuhuton, beasa gabe dohot Tulang manjalo jambar tandok nuaeng on ?
Molo tapaulak parbagi ni jambar i, songon parbagi ni jambar sian sigagat duhut najolo, (tanggalan rungkung/Aliang aliang tu boru, jala marbagi dua osang), dihilala roha, boi do mulak saragam parbagi ni jambar i di sude luat ni halak Batak Toba, jala tarida ma tongtong fungsi/tohonan ni Boru domudomu, napadomuhon rencana ni suhut nadua pihak. (dang napadomuhon calon be, songon najolo i, ai nungnga langsung naposo masilului rongkapna).
Molo so tarida be fungsi ni boru sebagai domu domu, dang fungsional be boru i di ulaon marhorihori dingding dohot di na marpudun saut; molo tung dohot pe nasida, gabe holan pangurupi sambing nama, alias pembantu; dang hot be fungsi ni dalihanna. Molo songon i nama ihuthononta, olo ma laos
7. Jambar juhut tu Tulang ni Hela.
Mangihuthon kenyataan na ni ida, di pigapiga luat, dang adong dipasahat suhut paranak jambar juhut tu Hulahulana (Tulang ni pangoli/Sijalo Tintin marangkup)
Dung nitangkasan on tu nasida, dipaboa ma hatoranganna songon on : Sisada boru do Tulang sijalo Tintin marangkup (Hulahula ni suhut paranak) dohot suhut parboru, jadi parboru do na mangalehon jambar tu nasida, songon i ma ninna. Tamba ni hatorangan i, didok nasida muse: Holan Ulu ni dengke mulak do jaloon ni paranak sian parboru, ganti ni dengke Ihan Batak.
Mangihuthon pangantusion nasida, Ulu ni dengke mulak ima ulu hambirang (1/2 na marngingi + 1/2 Osang), holan i sambing do. Molo adong pe dilehon parboru tu paranak tamba ni ulu hambirang, berdasarkan timbang rasa nama i, dang berupa Hak, ninna nasida.
Na gabe sipahusor husoron ni roha (Uji materi), ima :
Mangihuthon patutna, sian pihak dia do Hulahula sijalo Tintin marangkup manjalo jambar? Unang lupa hita, dang suhut parboru manggonghon Hulahula ni suhut paranak, apakah patut Hulahula sijalo Tintin marangkup manjalo jambar (Hak) sian pihak parboru ? Molo dilehon pihak parboru pe sian jambarna tu Tulang sijalo Tintin marangkup, na mamiring do goar ni i, alias sileanlean, sebagai penghormatan, ala dipasiat nasida, gabe rampak sisada boru tu pihak paranak, jadi, dang berupa Hak.
Mangihuthon pandok ni angka natuatua, saurdot (seiring sejalan) do jambar hata, jambar juhut dohot jambar hepeng; molo mardalan do hepeng Tintin marangkup sian suhut paranak tu Hulahulana, tontu pasahaton nasida do nian nang jambar juhut.
>. Mungkin pada permulaan ni adat i najolo,didasari pemikiran yang terlalu Letterlijk. (Ulu ni pinahan ganti ni Ulu ni dengke)
>. Mungkin diparmulaan ni adat i, najolo, ada unsur hamaloon marpollung sian pihak parboru.
8. Taringot tu haborhatan ni Tudutudu ni sipanganon.
Songon naung tinaringotan di jolo ni on, bernilai penghormatan do Tudutudu ni sipanganon, dang bernilai Hak, tontu na mardomu tusi do umbahen na dipake istilah padalan namargoar ni Tudutudu ni sipanganon manang na jotjotan didok: padalan Tudutudu ni sipanganon; dang didok marbagi Tudutudu ni sipanganon. Jambar na bernilai Hak do sibagion, Tudutudu ni sipanganon na bernilai penghormatan sipadalanon.
Diangka tingki na parpudion, nungnga jotjot binereng, diulaon sisada hasuhuton (isarana na tardidi), dipaadophon hasuhuton do Tudutudu ni sipanganonna tu Hulahulana, gabe tu jolo ni Hulahula ma Upasuhutna.
Molo songon i do parpeakna, nungnga gabe Hulahula i na manghasuhuthon ulaon ( secara simbolik, pinda suhut sian hasuhuton),tontu boi ma padalanonna Tudutudu ni sipanganon i mangihuthon adat namasa dinasida. Tupa do nian maksud ni suhut parjabui, holan sekedar basabasi do pasangaphon Hulahulana, hape, gabe jorgong do i. Adong do hata ni situatua namandok : Naung sinuan dang jadi butbuton, naung pinantikkon dang jadi umpaton, naung nilehon dang jadi jaloon. Molo dung nilehon/nipasahat Tudutudu ni sipanganon i tu jolo ni Hulahula i, dang patutna be gabe ingkon jaloon i mulak. Dang dihasomalhon angka ompunta najolo mar basabasi, ai didok do i sipauta ni sollop, angka sitingkos tingkos na i do dihatahon.
Mangihuthon angka naung nialaman dohot naung dialami angka dongan, nungnga jotjot, gabe holan Gaorgota dilehon Hulahula tu pamoruanna di ulaon sisada hasuhuton, ala dipaadophon suhut parjabu i Tudutudu ni sipanganonna tu jolo ni Hulahulana. Memang sai adong do Hulahula naso olo mambahen songon i, ala diboto, na holan sekedar basabasi do i pasangaphon nasida, alai nang pe songon i, dang patutna nian bahenon aturan na berpeluang jebakan; taringot tu si, adong do hata ni situatua na mandok : unang suani sugasuga di alaman.
Di ulaon sisada hasuhuton haroan lasniroha, simbol ni hasuhuton do ihur, ala ni ido umbahen na digoari Upa suhut, jala tinggal dihasuhuton do i. Molo di ulaon sisada hasuhuton habot ni roha/arsak ni roha (parmateon, mangongkal holi manang na mangarasmihon Simin/Tugu partanda), simbol ni Ina soripada do ihur jala digoari Ihurihur, jadi, dipasahat hasuhuton do i tu Hulahulana sebagai penghormatan.
9. Taringot tu adat marhusip.
Sarupa do tingkat ni parhataan di loloan/forum pertemuan: Marhorihori dingding, Patuahonhata dohot Marhusip, sama sama forum pertemuan tingkat delegasi/ domudomu.
Sude nanihataan ni delegasi i, holan konsep/rancangan dope, belum mengikat, naboi muba dope i naboi mose, jala ingkon boanon dope nanihataan i tu forum na tumimbo ima marpudun saut, untuk disempurnakan dan disahkan. Perbedaan ni forum na tolu i, pinataridahon do di tabel perbandingan na di toru on.
Tabel loloan/forum parhataan
Marhorihori dingding perbandingan, Patuahon hata dohot Marhusip
No. | Ragam | Marhorihori Dingding | Patuahon hata | Marhusip |
1. 2. 3. 4. 5. | -Parsidohot /Peserta -Parhata/pembicara -Fungsi ni forum/ loloan -Dukungan/sipatupaon -Udut ni ulaon | -Pamoruon+Dongan tubu, 2-3 halak Digoari Domudomu/ utusan -Pamoruon -Padomuhon rencana nisuhut/manusun konsep kesepakatan umum siboanon tu forum persidangan natumimbo, ima : marpudunsaut,dang adong dope iming-iming ni suhut) -Bebas/inisiatip ni parjabu - Marpudun saut | - Pamoruon+dongan Tubu 2-3 halak, DigoariDomudomu /utusan - Pamoruon - Patuahon kesepaka tan prinsip (iming - iming)nisuhut nadua pihakgabe konsep kesepakatan umum siboanon tu forum persidangan na tumimbo ima marpudun saut - Bebas/inisiatip ni parjabu - Marpudun saut | 1. Suhut 2. Dongantubu. 3. Pamoruon 4. Dongan sahuta 5. Pariban.6.Bere /Ibebere 7. Hulahula, tulang (posisi bingung, adong na padohothon, adong na sopadohothon Digoari rombongan - Dangtontu ma nang sian horong dia,sipatado boru sipata dongan tubu. - Panangkokhonkese pakatan prinsip( iming iming) ni suhut nadua pihak gabe konsep kesepakatan umum siboanon tu forum persidangan na tu mim bo ,ima, marpudun saut - Marindahanmasak, Lengkap Tudutudu ni sipanganondohot dengke simu durudur. - Marpudun saut |
Molo taparateatehon tabel na diginjang i, adong do tarida kejanggalan di forum marhusip, ima :
*. Peserta (sipardohot) di ulaon i, dang tontu horong/ dalihan na berkompeten.
(Dongantubu do manang na Boru ?
*. Parhata/parsinabung, dang tontu sian horong dia.
*. Pembicaraan, baru di tingkat marhusip, hape nungnga terjadi pertukaran simbol. (Tudutudu ni sipanganon dohot ulu ni dengke)
*. Sipanganon masak menjadi beban tambahan tu suhut nadua belah pihak.
*. Molo nipahombar tu judul ”Marhusip”, tontu ingkon na bersifat rahasia do i, jadi dang logis marhusip sahuta tu sahuta.
Di ulaon adat marboru ni Tulang, adong do istilah husiphusip ni na mariboto, ima dinalaho manghatai, sadia godang batu ni sulang, alai holan nasida namariboto i do na mar unungunung disi, dang pola dohot pihak ketiga, ai memang rahasia ni nasida namariboto i do i.
Mangihuthon barita napinapungu sian angka natuatua/para pemuka adat, adong do napaboahon hata ni turiturian songon on : Najolo ninna, adong ma sahalak nasangap jala namora mian maringanan disada huta, di nanaeng pangolihon anakna, disuru ma delegasi/ domu domu pamoruanna laho marhorihori dingding tu huta ni parboru, hape mulak boti do domudomu i dang manjadi nanihataanna.
Dung pigapiga ari, ro ma muse domudomu ni paranak i rap dohot suhut paranak jala diboan nasida ma sipanganon masak. Ala naung adong hinan boaboa sian paranak taringot diharoro nasida, marpungu ma parboru paimahon. Disangajo paranak ma asa sahat dijabu ni parboru ditingki parmale ni jolma; dung sahat nasida, bangkona ma i sai jolo marsirarion ma jolo satongkin.
Dung masisungkunan parboru namarhaha maranggi taringot di siala ni parpunguan i, dipillit ma salahak sian nasida na gabe raja panungkun langsung tu paranak. Manghuling ma pande hata napinillit i maradophon paranak ninna ma : Amang boru/raja ni boru, molo hubereng hami haroromuna on, tontu na adong ma ra nanaeng sihataanta, jadi nuaeng pe manghatai ma hita, ninna.
Ala dianggap paranak i, angka nahurang malo dope donganna, pintor langsung ma ibana mangalusi ninna ma :
Ai songon on nian rajanami, ianggo na manghatai on do, aha naso sae hataan, alai nuaeng nungnga tingkina mangido siubeon. Rajanami ; dang hum rohanami mandapothon hamu so adong tioptiopon nami, jadi ala adong do tipak huboan hami sipanganon, tung pe i holan singkat ni lampet, ba ianggo pangidoan nami rajanami, jolo marsipanganon ma hita, ninna.
Masialapan hata ma parboru taringot tu pangidoan ni paranak i, tumorop ma namangolophon jolo marsipanganon (mardomu tepat di parmale ni jolma do hatiha i) jadi dipasahat paranak ma sipanganon nabinoan nasida i laos dibahen ma tangiang mangan dohot huhuasi ni sipanganon. (Berarti, pada waktu itu, sudah masuk Kristen)
Dung sidung marsipanganon, sahat ma tu na marhata; manungkun ma raja parhata ni parboru ninna ma : Amang boru/raja ni boru, ba nungnga jolo ni nangnang on asa ni nungnung, nungnga jolo pinangan asa sinungkun, ..dst. Marmula sian i ma gabe marputar hata i, dang jolo ni nungnung be asa ni nangnang, dang jolo sinungkun be asa ni pangan, gabe jolo ninangnang ma asa ninungnung jolo pinangan ma asa nisungkun).
Dipudian ni ari muse, naeng pangolihon anak ma dongantubu ni raja na mora nasangap i; ala ibana do jolma sisungkunon di huta i, disungkun paranak nanaeng pangolihon anakna i ma rajai taringot disibahenonna mandapothon parboru; jadi ninna raja i ma mangalusi : Hata ni situatua mandok, si solisoli do adat siadapari gogo; Dipangolion ni anakta ditingki naung salpu i, taboan do sipanganon laho mandapothon Hulahula i, jala dohot do ho manganhon i, ba nuaeng pe ingkon boanonta do sipanganon, dalan manghatai dohot nanaeng Hulahula i, ninna. Gabe hasomalan ma i di luat i jala digoari ma i adat marhusip; menyebar ma i muse tu angka luat na asing. Baliga ni baligahon do on, barita nibaritahon, ba songon i ma ninna barita i, mula ni adat marhusip namasa nuaeng.
Nagabe sipahusorhusoron ni roha, hata dia do na ampit/na relevan pangkeon: jolo ni pangan do asa nisungkun manang jolo nisungkun do asa nipangan ? Angkup ni i, apakah adat marhusip ini perlu dipertahankan/dilestarikan, pada hal, gabe beban tambahan do tu suhut nadua belah pihak; unang lupa hita, disada tingki, gabe suhut do nang hita.
10. Pahot paniaran
Mangihuthon hatorangan ni angka natuatua: najolo ninna, molo manghuling Ogung diparunjuhon, masa do adat nanigoaranna pahot paniaran; holan sada do gondang di pitta ima gondang siboru pinahot, dung i pintor gondang hasahatan nama. Di pogu ni alaman ma dijomput boras sipirnitondi tu anak dohot parumaen, alai molo so manghuling ogung, dijomput ma i ditonga jabu, ai tuminbo do ninna ulaon di alaman sian ulaon di jabu.
Maksud dohot tujuan ni adat pahot paniaran, na paojakhon parumaen do, resmi gabe paniaran ni marga, jadi pelantikan do i songon nidok ni hata nuaeng. Holan suhut namarhaha maranggi, dohot Dongan tubu do na dohot manortor laho pahot paniaran, dang dohot boru jala dang dohot Hulahula manortor disi. (Dang mardalan disi hepeng olop olop).
Dung sidung acara pahot paniaran, laos
11. Patortor parumaen
Dung sai pinarrohahon pangalaho dohot pangulahon ni adat patortor parumaen na masa nuaeng on, diolopolopi parboru do boruna so jolo di jalo dope adatna, pinggan panungkunan pe so mardalan dope, lam beha ma angka udutna. Nijaha undangan ni parboru songon on do hatana….huhut manjalo dohot mangalehon adat na hombar tu ulaon i …dst, suang songon i nang di undangan ni paranak didok do hatana: …huhut mangalehon dohot manjalo adat nahombar tu ualon i …dst. Mardomu tu namasa on, tubu ma sungkunsungkun: Ise do parjolo manjalo jala ise parjolo mangalehon adat na hombar tu ulaon i ? Diangka tingki na parpudion muse, nungnga songon na dirobah saotik, gabe jolo manombanomba ma paranak tu parboru tingki parmasuk nasida i, tong ma i pasiding hata unang didok namandok parjolo parboru mangalehon sian manjalo, alai gabe hira ulaon manuruknuruk do molo songon i, dang adat nagok.
Dihilala roha, porlu do timbangtimbanganta manang napatut do on lestarihononhon diparadatan ni halak Batak, manang dumenggan mulak tu adat najolo pahot paniaran. (Back to Basic)
12. Dialap jual / ditaruhon jual.
Mangihuthon buku ni MA. Marbun/IMT. Hutapea (Kamus budaya Batak Toba), songon i nang pandok ni angka natuatua para pemuka adat, ia nanigoaranna Jual diparadatan Batak Toba, ima kelengkapan pesta parbagason (perangkat upacara pernikahan) berupa sipanganon masak (dengke), Ulos dohot boras pir dibagasan tandok sipasahaton ni pihak parboru tu pihak paranak di pesta parunjuhon ni boruna.
Boi do pesta parunjuhon i dipatupa dijabu/dihuta ni paranak, boi do nang dijabu/dihuta ni parboru, marguru tu kesepakatan ni nadua pihak ma i. Pihak na paradehon inganan pesta, digoari do i bolahan amak.
Molo pihak paranak do bolahan amak, tontu ingkon ro do pihak parboru mamboan/manaruhon jual nasida i tu huta ni paranak, jala dihuta ni paranak ma dipasahat nasida jual nabinoan nasida i tu pihak paranak, hombar tu partording ni adat parunjuhon. Ala na diboan/ditaruhon pihak parboru do jual nasida tu huta ni paranak, gabe didok ma i ditaruhon jual, alai molo pihak parboru do bolahan amak, tontu pihak paranak do na ro manjalo/mangalap jual i tu huta ni parboru, gabe didok ma i dialap jual. Mungkin, ummura do ra antusan molo didok Jual ditaruhon dohot jual dialap.
Dung ro hakistenon, digareja nama penganten manjalo Pasupasu, jadi tubu ma sungkunsungkun : Sian jabu ni pihak dia do penganten i borhat tu gareja, sian jabu ni paranak do manang sian jabu ni parboru, manang pajumpang di gareja do ?
Mangihuthon na niida di angka pesta parunjuhon, dialap jual manang pe ditaruhon jual, umumna, ro do pihak par anak menjemput penganten putri tu jabu ni pihak parboru jala disi do dipatupa sibuhabuhai.
Dijabu ni parboru do acara tukar bunga jala dipaborhat pihak parboru do nasida dibagasan tangiang laho manjalo Pasupasu tu gareja. Hata ni situatua mandok: Sige do tumandangi Bagot; simbol ni baoa do sige, simbol ni borua do bagot; molo nitimbangtimbangan sian hata i, nungnga suman borhat sian jabu ni parboru tu gareja, jala di acara tukar bunga pe, ingkon baoa do nian parjolo mangalehon bunga tu borua.
Nungnga piga piga hali niida namasa di pesta parunjuhon, berdasarkan kesepakatan ni pihak paranak dohot pihak parboru, ditaruhon pihak parboru ma boruna tu jabu ni paranak, gabe dijabu ni paranak ma acara tukar bunga jala sian i ma borhat tu gareja. Disungkun na manungkun ma i tu hasuhuton nadua pihak ala songon na ganjil huroha tu rohana, didok nasida ma alusna: ala naung disepakati do ditaruhon jual, jadi taruhonon ni parboru do boruna tu jabu ni paranak, ninna nasida.
Mangihuthon pangantusion nasida huroha, molo didok ditaruhon jual, ba taruhonon ni parboru ma boruna tu jabu ni paranak. (Apakah ini tidak merendahkan martabat perempuan Batak, dan apakah adat seperti ini patut dilestarikan ?. Nitimbangtimbangan dibagasan roha, molo ditaruhon parboru ma boruna tu jabu ni paranak, ba, nungnga olo asing lapatanna /asing nanidokna.
13. Posisi ni boru, di ulaon Marpudun saut.
Andorang so ulaon marpudun saut, jolo pajumpang manghatai do delegasi ni paranak dohot delegasi ni parboru; delegasi ido na nigoaranna najolo domudomu terdiri dari boru dohot dongantubu ni masing-masing pihak. Loloan/Forum pertemuan ni delegasi i ma nanigoaranna Marhorihori dingding/Patuahon hata.
Fungsi tohonan ni delegasi/domudomu najolo, ima mangalului /padomuhon calon mempelai dohot manusun konsep kesepakatan, berdasarkan penggarisan ni suhut masing-masing pihak. Hombar tu perkembangan ni zaman, nungnga langsung naposo masilului rongkapna, margeser ma fungsi tohonan ni domudomu i di zaman saonari, gabe padomuhon rencana ni suhut nadua pihak nama, dang dohot be mangalului calon mempelai, alai dang na gabe mago fungsi ni boru sebagai Domudomu.
Kenyataan na ni ida di ulaon marpudun saut namasa nuaeng on, dang di gubris be konsep nanisusun ni boru Domudomu i, jambar juhut tu Domu domu pe laos mago boti ma sian peredaran, dang di jouhon be. Na gabe sipahusorhusoron ni roha, ima: Apakah kompetensi ni boru sebagai Domu domu patut dihilangkan? Molo so marguna do konsep nanisusun ni boru ditingki ulaon marpudun saut, aha be gunana boru berperan di ulaon marhori hori dingding, ai gabe marisuang do naniula nasida.
Unang lupa hita margantiganti do Hulahula jala margantiganti do Boru. Molo so tarida be fungsi /Tohonan ni Boru, berarti, mago ma nang Simbol Dalihanna, gabe Dalihan Nadua nama muse Adat ni halak Batak Toba ( Siapa yang perduli ?)
14. Prinsip : Sige tumandangi Bagot.
Dipiga piga luat parserahan ni Batak Toba, parjolo do dipasahat parboru Dengkena, so jolo dipasahat paranak dope Tudutudu ni sipanganonna, tarbalik ma prinsip sige tumandangi bagot natinontuhon ni si jolo jolo tubu, ai nungnga dibahen nasida gabe bagot tumandangi sige. (Sige simbol ni baoa, Bagot simbol ni borua).
Dung nitangkasan i tu nasida, songon on do alasanna: Dongan sahuta/STM do na manghobasi sipanganon/Tudutudu ni sipanganon, jadi ingkon jolo serah terima do raja parhobas tu Suhut sihabolonan, dung pe i asa boi pasahaton ni paranak Tudutudu ni sipanganon i tu parboru. Nungnga gabe hasomalan i sai jolo sidung do parmanganon asa diserahterimakan Tudutudu ni sipanganon i, songon i ma hatorangan nasida.
Nagabe sipahusorhusoron ni roha ima: Beasa dang andorang so marsipanganon di serah terimakan Tudutudu ni sipanganon i tu hasuhuton, asa hombar/sadalan tu prinsip natinontuhon ni si jolo jolo tubu, sige do tumandangi bagot; sai taingot ma hata i namandok Jangan benarkan kebiasaan, tetapi biasakan yang benar.
15. Barita ni napajempek jempek hata.
Ninna barita i, maringanan ma sada Ina namabalu disada luat, dipiara ibana do pinahan lobu (Babi) rodi pigapiga ekor. Disada tingki, mago ma sada (sa ekor) pinahanna i, gabe dibuat ibana ma Panggu (Cangkul), ima dipalu/diantuhi bahen sanang, lao paboahon tu pangisi ni luat i, na mago Babi na i, huhut marsoara nagogo ma ibana maningtinghon, ninna ma : Tingting dabo, natuatua ni Huta on, mago Babi ku, ninna. Songon i ma di pandok hatana i, rodi pigapiga hali, alai lam leleng, lam loja ma ibana huroha, gabe di orui ma hatana i, dang didok be Tingting, langsung nama didok : Natuatua ni hutaon bo, mago Babiku, ninna. Lam leleng muse, lam tamba loja ma ibana, gabe diorui ma muse hatana, dang didok be mago, langsung ma didok ibana: Natuatua ni huta on bo, Babiku, ninna.
Jempek hata dohonon, salah tafsir/sala mangantusi ma naumbegesa, gabe marria ma angka raja, ala hata ni Inaina i, namandok, Babina natuatua ni huta i. Dipautang angka raja ma Ina nabalu i, ala ni hata i.
Di Bibel, buku nabadia ni halak Kristen, diorai do mangorui manang manambai na tarsurat i, tontu asa unang terjadi do salah tafsir.
16. Tarigot tu Raja Uti.
Dalam cerita rakyat, walaupun perjalanan Sejarah sudah berlangsung tujuh generasi, namun Raja Uti tetap hanya satu, tidak ada sebutan Raja Uti pertama, kedua dan seterusnya, sehingga muncul anggapan, seolah-olah Raja Uti itu, tidak bisa mati; dia hidup kekal selama-lamanya.
Tulang ni Si Raja Batak do Raja Uti I, na margoar Mutiaraja, alai martulang do nang Raja Manghuntal (Raja Sisingamangaraja I), tu Raja Uti, hape nungnga pitu sundut sian Si Raja Batak sahat tu Raja Manghuntal (Sisinga mangaraja I); dang mungkin mangolu sada jolma dibagasan pitu sundut, jala dang mungkin manghatai langsung Raja Manghuntal (Raja Sisingamangaraja I) tu Mutiaraja (Raja Uti I). Martulang pe Raja Manghuntal (Raja Sisingamangaraja I) tu Raja Uti, tontu, dang na Tulang tangkas maksudna, Hulahula Bonani ari pe, tong do didok Tulang.
Menanggapi cerita ini, umumnya para kritisi berpendapat, bahwa gelar dinasti Raja Uti, ada 7 (tujuh) oknum pejabatnya, maka disebut tujuh wajah/rupa, yaitu: Raja Uti I yang bernama Mutiaraja s/d Raja Uti VII. Dalam cerita rakyat, disebutkan juga, bahwa raja Uti itu, ada tujuh wajah/rupa; Raja Sisingamangaraja pun, dapat juga dikatakan 12 (dua belas wajah/rupa) karena yang dimaksud adalah oknum pejabatnya, yaitu: Raja Sisingamangaraja I yang bernama Raja Manghuntal s/d Raja Sisingamangaraja XII.
Dalam cerita rakyat disebutkan bahwa rupa (wajah) Raja Uti itu berbentuk moncong Babi ;. perihal wajah tersebut, para rekan-rekan kritisi berpendapat, bahwa kebenaran cerita ini patut dipertanyakan; patut diduga bahwa cerita ini , muncul akibat salah tafsir atas singkatan (perpendekan) sebutan Raja Munsung Babi, yang semula/lengkapnya adalah Raja dari Pulau Munsung Babi.
Agaknya, perlu juga saya sampaikan disini, tentang adanya cerita rakyat yang menyebutkan, bahwa Raja Uti, tidak punya anak, tetapi punya keturunan. Setelah cerita ini saya pertanyakan kepada orang-orang pintar, diberinya penjelasan sebagai berikut: Raja Uti adalah Jabatan, tentu tidak beranak tetapi oknum pejabatnya itulah yang punya anak/keturunan.
Dalam cerita rakyat, terdapat juga berita yang menyebutkan, bahwa Si Raja Biakbiak (anak sulung dari Guru Tateabulan), dialah yang menjadi Raja Uti, tetapi tidak disebutkan, Raja Uti keberapa ? Berita/informasi yang dapat dikumpulkan tentang riwayat Si Raja Biak biak, terdapat tiga versi, yaitu :
Versi I. Si Raja Biakbiak, dang sempurna partubuonna, alai dung ditumpa Mulajadi nabolon (Debata), gabe jolma na sakti alai lumpuh; mangorori ma ibana sahat tu Barus, ibana ma na gabe Raja Uti / Si Raja Gumelenggeleng / Si Raja Odapodap /Raja Ilik na sakti.
Versi II. Si Raja Biakbiak, dang sempurna partubuonna, alai dung ditumpa Mulajadi nabolon, gabe jolma na sakti jala marhabong; habang ma ibana tu Barus jala digoari Raja Uti.
Versi III. Mate poso do ninna Si Raja Biak biak, gabe anggina Sariburaja ma, mamampe goar ni ompungna Ompu Tua Doli Sariburaja/Raja Patuanan.
17. Taringot tu jujurngolu.
Disada pertemuan nonformal, adong ma sungkun sungkun : Tu ise do ditujuhon hata huhuasi dohot jujurngolu di ulaon Adat parmateon ? Siapa yang perlu tahu ? Jawaban na umum mandok : Ditujukan kepada para pelayat (Paningkir), terutama kepada pihak Hulahula. Pertanyaan ini, kedengaran nya sepele, tetapi inilah dasar penyusunan Tertib Acara.
Molo marhata huhuasi, laos
Molo dung jolo sidung Acara ni Hulahula asa marhata huhuasi laos
Kesimpulan : Molo mamereng hita sian sudut Etika (Cara bersopan santun), mestinya/seyogianya di jolo/diadopan ni situan natorop (lumobi Hulahula) ma nian hatahononhon hata huhuasi, dohot napatoranghon jujurngolu.
Mangihuthon hatorangan na dapot pinapungu sian angka natuatua paradat : Najolo ninna, dang apala dihasomalhon, manghuling Ogung di ulaon adat na gok Sarimatua (dianggap belum pantas), jadi, dang adong Acara manortor; tontu, mambuat tua ni gondang pe, dang masa. Alai , na masa saonarion, dianggap ketinggalan zaman do, molo so di bahen uning uningan, didok ma alasanna Singkat ni andung.
Molo nirimangrimangan alasan on, tontu alasan na di caricari do on najolo di parmulaanna i, laho patuduhon sinadonganna; ai tung so tarjalo akal/pikiran do molo didok singkat ni andung, hape manortor ; gabe marlapatan ma I : manortori mangandung.
Diangka tingki na parpudi on, di ulaon Adat na gok Sarimatua/Saurmatua), gabe dipadomu do acara manjalo haroro ni Hulahula dohot acara pasahat adatna (langsung), pada hal, judulnya saja sudah dua dan berbeda. Manjalo haroro dohot Mar Acara; Gabe sai jolo sidung do Hasuhuton mambuat Tua ni Gondangna asa digora/dipersilahkan masuk ganup uduran ni Hulahula.
Masa ma ninna namasa, manortori ma suhut, mambuat tua ni gondangna, hape, uduran ni Hulahulana, dipasombu gabe painondur diluar pagar/pekarangan. Menurut berita, kabarnya pernah terjadi, bahwa Pihak Hulahula, meninggalkan Adat peradatan (Ulaon) karena diperlakukan seperti itu, mereka menganggap dilecehkan.
Mangihuthon na niida/nanisaksihon nasai lelengna on, diangka ulaon sisongon on, dung sidung pe acara ni Hulahula pasahat adatna asa dipersilahkan duduk, ianggo sebelum acara, masilului parhundulanna be do, monsor tusan tuson, dang tertib; mendingan molo Kursi inganan parhundulan, behama molo Tikar.
Molo tung adong pe secara perorangan patamahon uduran ni Hulahula i asa hundul, maka hal itu, adalah Etika perorangan, tidak formal dan tidak protokoler. Molo ala na paimahon dongan do Hulahula i umbahen nasai diluar, tontu, datung dohonon i naso dianturehon Suhut, alai ianggo ala napaimahon suhut do, asa jolo sae manortori mambuat tua ni gondang na, jelas, tidak etis.
Molo nipingkirpingkiran, jala pinahusorhusor dibagasan roha, tontu dumenggan do/lebih tertib do, molo tersendiri manjalo haroro ni Hulahula , jala tersendiri Acara Manortor (pasahat adatna); Dung dipasahat Hulahula boras na niboanna(Boras Siriburribur), boi ma jolo denggan nasida hundul di inganan naung pinarade ni Hasuhuton, laos
Pertanyaan yang muncul dari para kritisi adat , adalah : Apa salahnya, apa ruginya, molo jolo hundul angka uduran ni Hulahula i songon na mangulon satongkin, dung i pe asa masuk tu Acara Panortoron, dimulai sian Tortor ni hasuhuton, mambuat Tua ni gondangna, laos ditingki na marhata huhuasi i ma dipatorang jujurngolu.
Molo ala ni natamba waktu do alasan umbahen na dipadomu/dipasada manjalo Haroro ni Hulahula dohot Acara ni Hulahula pasahat adatna, agaknya, alasan seperti ini kurang akkurat, bahkan banyak orang beranggapan, bahwa alasan seperti ini, adalah alasan yang di caricari asa hatop mulak; soalnya, kalaupun ada perbedaan waktu yang dijadikan alasan itu, paling banyak seperempat jam bedanya. Mari kita pertimbangkan, mana yang lebih baik : Mengorbankan sedikit waktu, atau mengorbankan ketertiban dan Etika (Sopan santun) ?
18. Taringot tu Ulos saput
Di Forum Marria raja/Tonggo Raja, molo dang sarupa paradaton ni Hasuhuton, Hula hula dohot Tulang, masalah Saput on ma na paling rawan perdebatan (paling crusial).
Olo do sipata, Hulahula dohot Tulang bersikeras mampartahanhon adatna, pada hal, dang suhut kedudukanna Ulaon sisada hasuhuton do adat parmateon, holan sada do solup ni adat naberlaku disi, ima adat ni suhut, mestinya,berlaku prinsip : Sidapot solup na ro.
Di sude luat (Daerah peradatan) ni halak Batak Toba,adong tolu ragam/versi haroroan ni Ulos saput ima :
Versi I.
Sian Hulahula do Ulos Saput dohot Tujung/Sampesampe Sampetua; jala songon on do alasannasida : Ditingki Pesta adat parbagason, sada do Ulos tu Hela dohot tu Boru, ima na margoar Ulos Hela, jala sian Hulahula do haroroanna; Hulahula Simatua do nampuna Hela; songon i ma hatorangan nasida.
Versi II.
Sian Tulang do Ulos Saput tu Berena, Hulahula mambahen Saput tu Boruna (Istilahna didok Si ihutihut Ihur ni Horbona); songon on do alasanna :
> Tulangna do mangombus parsambubuhan ni berena
> Dang boi marganti Tulang, ianggo Hulahula Simatua, boi do marganti, molo mangoli muse tu boru na asing
> Dang tartuhor Tulang, ianggo ripe, boi do tuhoron; Poligami pe boi do najolo
Versi III.
Tulang ni na mate do mambahen Saput tu Berena, manang na bere baoa pe i, manang na bere borua (Ibebere); Istilahna didok : Sisaputi namatena; songon on do alasanna
> Tulangna do mangombus parsambubuhan ni Bere/Ibere na.
> Dompak marmeme anak, dompak do nang marmeme boru;
Jadi, Tulang Rorobot ni suhut ma manaputi Ibeberena
Dung niboan masalah (kasus) on tu beberapa forumdiskusi,dapot ma beberapa argumentasi songon naditoru on :
*. Memang, Tulang do na paling berkompeten tu berena, saleleng so marhasohotan ibana : alai, di parsohotonna(Adat nagok), dijalo Tulang do sesuatu pemberian sian Hulahula parboru, ima nanigoaranna Tintin marangkup.
Pengertian tentang Tintin marangkup ini, perlu di fahami secara mendalam, baik filosofi maupun maknanya.
Tintin adalah simbol ikatan; marangkup berarti mardongan (bekerjasama/ber mitra).
Dalam kemitraan kerjasama ini, Tulang melimpahkan kewenangannya kepada Hulahula parboru, maka, untuk itulah Tulang mendapat sesuatu pemberian dari parboru; Jadi, Tintin marangkup, adalah simbol pelimpahan wewenang, laos
Filosofi dan makna Tintin marangkup,dipataridahon do nang di parjambaran juhut; Osang simbol ni Hulahula (Aktip/bergerak); namarngingi simbol ni Tulang (Passip).
Molo pinatudos tu fungsionaris ni 0rganisasi: Pengurus harian adalah Hulahula, Penasehat adalah Tulang; tentu, itulah yang dimaksud dengan istilah Tulang Pargomgom.
*. Ditingki Pesta perkawinan (Adat nagok), sian Hulahula do Ulos tu Hela rap dohot Boru, laos
*. Molo asing sibahen Saput, asing sibahen Sampesampe/Sampetua, gabe duahali ma pamasaon Ungkap Hombung, ima di parmate ni Ama dohot di parmate ni Ina (Tulangna manaputi Berena, Hulahulana manaputi Boruna), jala,molo marojahan hita tu prinsip: hak ni sibahen saput do mangungkap hombung, tontu tubu ma pangantusion, asing hombung ni Ama, asing hombung ni Ina; jala molo songon i, tubu ma anggapan: ditangkari Amanta Inantana; hape, dang sifat ni halak Batak manangkari Inantana.
Adong deba namandok : ditingki na parpudi mate do masa ungkap hombung; Molo songon i, hira na nasip nasipan ma Hulahula dohot Tulang; Olo ma harap roha ni Hulahula, anggiat parpudi mate Boruna, asa Ibana mangungkap Hombung, jala songon i nang sebalikna sian Tulang. Apa mungkin bahenon ni ompu raja Ijolo aturan hidup na bersifat nasipnasipan ? Molo holan sahali do ungkap hombung, ima di tingki ni na parpudi mate, tumingkosma Hulahula manaputi Helana dohot manaputi boruna, jala holan Hulahula ma na berhak ungkap hombung; Piso na ganjang ma goarna tu Tulang jala Daon sihol tu Dongantubu, Boru dohot dongan sahuta.
*. Molo Tulang Rorobot sibahen Saput, marlapatan ma i:mengambil alih kompetensi ni Hulahula/Parboru. Nanihara ni Hulahula do Tulang rorobot dohot Pariban laho patorophon uduranna, jadi, dang mungkin Tulang rorobot gabe Raja Ijolo; adong pe hata namandok : Dompak marmeme Anak, dompak marmeme Boru, agaknya, tidak ada kaitannya /relevansinya dengan Ulos Saput.
19. Ulos Pargomgom ( UlosTintin marangkup)
Hirahira ditaon 2.000 an, tubu do pandohan/istilah na imbaru diparadaton Batak Toba, ima Ulos tintin marangkup. Di Acara pasahat Ulos, parpudi do Hulahula ni suhut paranak (Tulang sijalo tintin marangkup) pasahat ulos. Mangihuthon na niida, adong tolu ragam (tolu Versi) teknis pelaksanaanna :
Versi I. Dung sidung Tulang dohot uduranna pasahat Ulos, ro ma 0mpungna (0mpung Bao) pasahathon Ulos, laos
Versi II. Parjolo do Tulang sijalo Tintin marangkup pasahat ulos, laos
Versi III. Parjolo do haha angi dohot uduran ni Tulang sijalo Tintin marangkup i pasahat ulosna, dung sidung pe sude nasida asa dipasahat Tulang sijalo Tintin marangkup i ulosna, laos
1. Apa makna/hakikat/ filosofi ni Ulos Tintin marangkup ?
2. Ise do na berkompeten manogu penganten i.
3. Tudia do penganten i toguon,tujabu ni namanogu i do manang tu jabu ni suhut paranak.
Mangihuthon hatorangan na dapot pinapungu sian angka natuatua/raja paradat : najolo ninna, ulos na sian Tulang sijalo Tintin marangkup i, digoari do i Ulos Pargomgom, jala songon ondo lapatanna/pangantusionna: Hata ni umpasa mandok :
Hot do jabu i, dimpos margulanggulang, Boru ni ise pe dialap Bere i, hot do i boru ni Tulang.
Di ulaon Pesta adat nagok, dijalo Tulang do Tintin marangkup sian parboru, ima na gabe hataridaan ni naung sisada pamoruan nasida. Mardomu tusi, napatutna do pataridahonon ni Tulang i tu Ibotona /Laena (Suhut paranak), na boruna do i na nialap ni Berena i ( Naung gabe parumaen nasida); jadi, songon hataridanna, di ulosi ma Berena dohot Boruna, laos ditogu dipagomgomhon tu Ibotona/Laena; na marlapatan: dipangolihon Tulangna Berena. Mangihuthon hatorangan na di ginjang i, tontu ingkon parpudi do Tulang sijalo Tintin marangkup pasahathon ulos, laos manogu penganten, jala ingkon adong do hata (dialog) ditingki na pagomgomhon i.
Dung dipagomgomhon Tulang boruna i tu Ibotona /Laena,dijomput paranak i ma boras si Pir ni tondi tu simanjujung ni anak dohot parumaenna; dung pe sidung i asa ro nasida (rampak dohot pengantin) manomba nomba Hulahulana, jadi nungnga terpenuhi makna pamit alias sungkeman songon nidok ni halak Jawa. Molo jolo sidung suhut paranak manombanomba Hulahulana asa mardalan ulos Tintin marangkup sian Tulangna,ba nungnga gabe hira na duahali mar acara Tulang, ai nungnga ditutup dohot gondang Hasahatan. hape satu rangkaian do acara ni Tulang rampak dohot uduranna.
Molo dianggap na ditaruhon Tulang do boruna tu jabu ni Ibotona, ba na manonsothon do goar ni i.
Molo andorang di Gedung/Wisma dijomput paranak Boras Si Pir ni Tondi tu anak dohot parumaenna, dang pola be jomputonna boras Pir dijabu, ai umbalga do ulaon di alaman sian ulaon dijabu.
20. Pinggan panganan
Najolo, molo mangan na sakeluarga, sada sambing do panganan/inganan ni indahan, ima nanigoaranna Sapa; sian i do sude nasekeluarga i mangan, jala dibagi do lompan, masitiop di ibana be. Molo adong anggota ni keluarga i naso hadir ditingki parmanganon i, didok natorasna ma hatana, ninna ma; godang di ho adui (didok goar ni anggota keluarga naso hadir i), maksudna, pataridahon nasai tongtong do masiingotan nasida nasekeluarga i; Jadi, nanimaksudna Sapanganan, ima keluarga na rampak mangan sian sada sapa (Dongan sa sapa ni Ama dohot dongan sa sapa ni Ina + Anak dohot Boru).
Mangihuthon hatorangan ni angka dongan natuatua, ia na ni goaranna Pinggan panganan (Kriteria Pinggan panganan), ima : Pinggan namarisi indahan dohot lompan juhut. Molo binereng namasa di zaman saonarion, marragam do pardalan ni Pinggan panganan/Ulu panganan/Pinggan bolak; adong namambahen 7, 8,10, 12, bahkan adong do namambahen 16 dohot 18; ia molo nisungkun nasida, aha do dasar laho manontuhon angka ise na patut manjalo Pinggan panganan i,alus nasida, pada umumna sarupa do : nungnga songon i sian najolo, ninna.
21. Pinggan parlompanan
Songon naung tinaringotan di ginjang i, holan dongan sa Sapa/Sapanganan ni suhut do na patut manjalo pinggan panganan yang bermakna Parningotan. Orang Batak, agaknya bukan manusia yang suka makan sendiri, apalagi molo na tabo/enak, disarihon do donganna na pulik sapa ; jala, songon hataridaanna, dipiringhon ma holan lompan sambing, so pola dohot indahan; jala molo di ulaon Pesta,dipasahat mai secara simbolik mar sasaama, marsasaompu, marsasahorong ; jala, ala na mardomu tusi do umbahen na gabe digoari Pinggan parlompanan.
* Najolo, andorang jempek dope sundut, boi ma pasahaton pinggan parlompanan i, riris/jojor mangihuthon parsolhoton na, dang apala terasa dope makan waktu, alai di zaman saonarion nungnga ganjang sundut ni tarombo, jadi molo dijouhon jojor songon najolo i, nungnga tung godang makan waktu, beha musema molo tu limapuluh sundut nari dan seterusnya. Mamereng sian perkembanganon, dihilala roha, nungnga porlu dilului jalan keluarna, songon dia solusi terbaik
22. Etika manjalo Tutur (Menerima Tamu)
Molo tapamanat taparrohahon jabu ni halak Batak, sai matua di siamun masuk do inganan ni parjabu (Tuan rumah), ima nanigoaranna Jabu bona; jadi molo adong Tutur/Tondong (tamu) na ro mandapothon nasida, sai matua dompak siamun do dipajagar (langka siamun).
Molo taparrohahon tatacara menerima tamu secara protokoler dalam pergaulan international, memang sai matua dompak siamun do dipatama tuan rumah tamuna; jadi, sian i tarida, cara menerima tamu di zaman ni ompu najolo, nungnga memenuhi etika pergaulan international.
Dizaman saonarion, molo taparrohahon tatacara ni halak Batak manjalo tutur ditingki Pesta, godang do na patamahon tutur dompak hambirangna, jadi dang sesuai tu etika pergaulan international; suang songon i do binereng nang par Wisma, nungnga pintor barani manontuhon inganan ni paranak dohot inganan ni parboru secara permanent, hape ianggo na sasintongna, ingkon suhut bolahan amak do nian, na hundul di siamun laho masuk (Jabu bona). Boi do paranak bolahan amak, boi do nang parboru, tergantung kesepakatan nasida.
23. Seputar Pinggan panungkunan.
Disada forum pertemuan non formal, adong ma keluhan dan komentar ni angka dongan para kritisi adat, taringot tu prosedur ni parhataan na berbedabeda versi, songon na ditoru on :
Versi I.
*. Dijolo ni parsinabung ni parboru dope pinggan panungkunan, nungnga dipasahat sungkunsungkunna tu parsinabung ni paranak: Dia ma i langkatna, dia unokna; dia mai hatana, dia ma i nanidokna ….dst.
*. Dung sahat panggohi ni sinamot,langsung do parsinabung ni parboru mangido Panggurguri di ibana.
*. Manghatahon isi ni Pinggan panungkunan, dang beraturan.
*. Dang dilapik hata manjaga na hurang; dang jolo di pahot jala dipahehe pinggan panungkunan i, pintor langsung do dipasahat tu paranak.
*. Bahasa yang digunakan, adalah bahasa Pasar, bukan bahasa sastra.
Versi II.
*. Andorang so dihatahon hata ni pinggan panungkunan, jolo adong do hata patujolona (Konsiderans), ima :
- 0mpu Raja Ijolo, martungkot Sialagundi ….. dst
- Gonghon sipaimaon, Joujou sialusan…..dst.
- Nungnga bosur hita mangan, mahap marlompan juhut…. dst
- Dungpe sidung dihatahon konsiderans ni hata na tolu bagian i asa masuk tu na manghatahon Pinggan panungkunan: Nungnga dison pinggan panungkunan ….dst. Dung sidung dihatahon hata ni pinggan panungkunan i, dilapik hata do jolo, di pahot jala dipahehe, laos
- Dungpe sahat pinggan panungkunan i dijolo ni parsinabung ni paranak jala dibuat jambarna, ima hepeng ulak ni pinggan i, asa ro sungkunsungkun sian parsinabung ni parboru, ninna ma : Amangboru/Raja ni Boru, nungnga pinasahat pinggan panungkunan tu jolomuna, mangihut ma sungkunsungkun nami : Dia mai langkatna, dia unokna; dia mai hatana, dia nanidokna … dst .
- Jolo sidung do panandaon tu suhi ni ampang naopat asa mardalan panggurguri tu parsinabung, jala paidua ni suhut do namangidohon.
Dung niboan kasus/masalah on tu forum diskusi ni para kritisi adat, adong ma persamaan argumentasi songon na di toru on :
>. Hata/konsiderans ni Pinggan panungkunan yang begitu panjang, menimbulkan rasa bosan, gabe songon ende na paganjanghu intro, jadi langsung ma dihatahon: Nungnga dison pinggan panungkunan …. dst; molo dihatahon pe konsiderans, cukup ma dimulai sian : Nungnga bosur hita mangan……. dst.
>. Sedapat mungkin, diusahakanlah menggunakan bahasa sastra, asa lam lestari sastra Batak i.
>. Molo parsinabung na mangidohon panggurguri di ibana, hurang/dang Raja, gabe mangorui sangapna sandiri do i; lobi sangap do jolma, molo halak na asing mangidohon di ibana, jadi lebih tepat do, molo paidua ni suhut na mangidohon i, asa unang berbau hisap.
>. Ala jolo dipasahat paranak do pinggan panungkunan namarisi hepeng (jambar hepeng) tu parsinabung ni parboru, ima na gabe parhitean manungkun, tontu jolo pasahaton/ paulahon ni parboru do pinggan panungkunan i tu paranak, marisi jambar hepeng, parhitean mangalusi, jadi tarida ma, Raja do na manghatai tu donganna Raja (Raja ni Hulahula tu Raja ni Boru).
24. Patujolo ni panandaon
Ditingki na marpudun saut, dung dipasahat pihak paranak patujolo ni sinamot, dipangidohon pihak parboru do asa dipasahat paranak patujolo ni panandaon tu parboru.
Masa pe patujolo ni Sinamot, ala naung digollit do godang ni sinamot i; taringot tu panandaon, dang hea masa nang sian nahinan; songon I ma pandapot ni angka dongan.
25. Todoan Surungsurung ni Ina pangintubu
Disada wilayah peradatan, tersendiri do surungsurung (Todoan) tu Ina pangintubu jala ditontuhon do godangna senilai hirahira 10 gram Mas. Nagabe sipahusorhusoron ni roha ima : Molo sijalo todoan/Surungsurung Ina pangintubu, ise do sijalo Sinamot; holan amanta i do ? Dang dohot Inantana ?
Dung niboan kasus on tu forum diskusi, dilehon angka dongan ma pandapotna songon on : Na ni jalo ni Ama, jalo ni Ina do i, na ni jalo ni Ina pe, jalo ni Ama do i. Sisada parjambaran do Ama dohot Inantana; dang patutna pulik bagian ni Ina, pulik bagian ni Ama. Tumagonan do ditambai sinamot i, daripada dipatubu istilah tambahan na mambahen sungkun sungkun tu roha.
26. Tulang mangihut.
Dipigapiga daerah peradatan, di ulaon adat na gok Sarimatua/ Saurmatua/Mauibulung, di jouhon do jambar tu Tulang Rorobot dohot tu Tulang mangihut.
Mangihuthon pangantusion nasida, Tulang Rorobot ima Tulang ni Ina soripada ni suhut ; Tulang mangihut, ima Tulang ni Ina pangintubu ni suhut.
Dung niboan kasus on tu forum diskusi, dilehon angka dongan ma pandapotna songon on :
> Ompung do joujou/panjouon partimbo dihalak Batak; molo masuk Tulang ni inong niba diparadaton, tontu ingkon masuk do nang Tulang ni 0mpung boru, jadi Tulang aha ma dohonon goar ni i ?
> Mungkin najolo diparmulaan ni adat i, na terlalu bersikeras do Tulang ni Inong ni suhut asa dapotan ibana, dipatubu ma istilah baru. Unang ma nian tatambatambai adat i asa unang gabe mangararati songon api di ri, songon i ma pandapot ni angka peserta diskusi.
27. Adat Sigurdok
Disada luat paradatan, mate ma sahalak Ama naung marpahompu, alai adong dope ianangkonna naso marhasohotan. Ditingki na marria raja, marhata huhuasi ma parhata ni hasuhuton jala dipaandarhon/dipatorang ma angka namardomu tu parmondingon i mangihuthon adat nasida, laos Sian nasai godang parhataan (dialog) namasa ditingki i, nikutip do beberapa poin, jala niboan tu forum diskusi.
1. Goar ni ulaon :
Mangalusi sungkunsungkun ni angka raja panungkun, didok nasida ma goar ni ulaon i Ulaon Sarimatua.
Paniroion sian angka raja mandok songon on : Status parmateonna do Sarimatua, dang goar ni adatna i ; Molo status ni parmateonna i do gabe goar ni ulaon adatna, berarti siulaon ma mate; palias ma mangulahon mate, ai na bunuh diri do i, ianggo goar ni ulaon/Adatna i sasintongna, ima : Adat na gok Sarimatua.
Nang pe naung dilehon raja paniroi pandapotna, sai bersikeras do parhata ni suhut i mampartahanhon nanidokna , ulaon sarimatua do goarna dihami, ninna.
2. Partording ni Jambar
Sibuaton (Boan ni namate) di tingki i, ima Namar miakmiak (Babi). Mangihuthon adat namasa dihasuhuton, dipatorang nasida ma partording ni tudutudu ni sipanganon (didok nasida parjambaran juhut) songon on :
*. Ondolan (Ihurihur) digoari nasida do i Upasuhut, jala tinggal di hasuhuton.
*. Osang tu Tulang
*. Namarngingi tu Hulahula.
Songon i ma dipatorang nasida dohot angka udutna.
Paniroion sian angka raja mandok songon on :
*. Simbol do sude namargoar ni Tudutudu ni sipanganon /jambar i, jala diboan goarna do daina.
Di ulaon sisada hasuhuton haroan las ni roha do berlaku/dipake istilah Upa suhut, ianggo di ulaon sisada hasuhuton habot ni roha, 0ndolan/Ihurihur do goarna jala pasahaton do i tu nampunasa simbol, ima Hulahula haroroanna (Hulahula tangkas).
*. Berdasarkan kronolisnya, tumimbo do kedudukan ni Tulang daripada Hulahula, ai na di pasiat Tulang do Hulahula i gabe donganna sapamoruan, tubu ma istilah Hulahula parsiat; jadi, dang ampit (dang relevan) pamake ni simbol i molo na marngingi tu Hulahula.
Nang pe naung dilehon raja paniroi pandapotna, sai bersikeras do parhata ni suhut i mampar tahanhon nanidokna; Songon i do adat namasa dihami, natinonahon ni angka nabisuk nami, ninna.
3. Partording ni ulos.
Mangihuthon boaboa sian parhata ni hasuhuton, holan Ulos saput ni namate dohot Tujung ni na mabalu sambing do sijaloon nasida, dang tarjalo nasida ninna Ulos gabe tu iananghonna (Natoras ni pahompuna). Mangihuthon pandok nasida, sarupa do ulos gabe, ulos holong manang ulos paniari
Paniroion sian angka raja patoranghon songon on :
*. Di adat sihabatahon, adong do spesifikasi goar ni ulos tu namabalu, asing be do goar ni ulos i manurut tingkat ni parmateonna, ima :
- Ulos Tujung tu namanghabaluhon na mate Hatungganeon dohot na mate mangkar,
- Ulos Sampesampe tu namanghabaluhon na mate Sarimatua.
- Ulos Sampetua tu namanghabaluhon namate Saurmatua dohot namate Saurmatua maulibulung
Ala namate Sarimatua do Ama na ta paadoadop on, ba Ulos Sampesampe do goar ni ulos sipasahaton tu na manghabaluhon, jala teknis pelaksanaanna pe holan didais hon nama tu simanjujung, laos langsung dipatuat diampehon tu abarana patuduhon pardomuan ni Tujung dohot Sampetua; tontu, dang masa be disi adat mambuka Tujung,
Kriteria gabe dihalak Batak, ima: molo dung marpa hompu, agia pe holan sahalak pahompuna i; pahompu sian anak manang pe pahompu sian Boru; jadi, molo mate naung margoarhon 0mpung, nungnga dianggap i na gabe.
Umbahen na digoari Mate Sarimatua, tontu ala naung adong do pahompuna, berarti nungnga tarmasuk jolma na gabe ibana; Laho patandahon naung jolma na gabe na mate i, tontu mardalan ma ulos gabe sian Hulahula naposo naung mariananghon. Molo holan Ulos Saput dohot Tujung do sijaloon ni suhut, ba namate mangkar nama status ni parmateon i.
Taringot tu Ulos gabe na pinatorang ni raja paniroi i, di alusi parhata ni suhut i do i, ninna do mangalusi : Sarupa do ulos gabe dohot ulos holong manang pe ulos paniari, na marasingasing do goarna mangihuthon daerahna; jala dang ala ni ulos i umbahen na gabe jolma, ala pasupasu ni Debata do, ninna.
Dung dibege angka raja naro alus ni parhata ni suhut i, tubu ma polemik; didok nasida ma mangalusi parhata i : Tingkos do nanidok muna i, dang ala ni ulos i umbahen na gabe jolma, ala jolma naung gabe do namate i umbahen na mardalan ulos gabe sebagai simbol/pertanda; Tamba ni i, ninna raja namandok hata i: molo mate jolma, sai dibahen do tandana marhite Mandera merah ; dang ala ni mandera i umbahen na mate jolma i, ala ni namate i do umbahen na dibahen mandera.
Nangpe naung dilehon angka raja paniroionna, sai tongtong do bersikeras parhata ni suhut i mampartahanhon nabinotona.
Di angka ari na mangihut, dibahas angka dongan para kritisi adat ma muse namasa i di sada forum diskusi non formal; sepakat do peserta diskusi i mandok : Molo songon i do namasa, boi ma goaran adat na i Adat sigurdok alias Siguru dok hu, ninna nasida.
28. Marsibuhabuhai
Binereng diangka tingki na parpudion, ber aneka ragam do prosedur/partording ni ulaon marsibuhabuhai; adong deba parboru, dipasahat do gaorgota tu paranak, gabe mardalan ma parjambaran; adong do naso pola mangalehon gaorgota, gabe dang pola mardalan parjambaran.
Torop ni peserta (parsidohot) di ulaon i pe, ber aneka ragam do; adong deba parboru, sahat do tu na marhara dalihan natolu paopat sihalsihalna, gabe sahat tu na mar 80 (ualupulu) halak toropna, adong do na holan bona ni hasuhuton raphon suhi ni ampang naopatna sambing.
Dung niboan kasus on tu forum diskusi, dilehon angka dongan peserta ma pandapotna songon na ditoru on :
>. Dasar kata Sibuhabuhai adalah Buha, yang berarti bungka (pembukaan), Mulai, (permulaan) dapat juga diartikan sebagai Patujolo (pendahuluan). Hombar tu prinsip : Sige tumandangi Bagot, napatutna do tomuon ni penganten baoa oroanna, jala napatutna do natorasna mangiringhon iananghonna.
>. Mangihuthon ruhut ni adat marsibuhabuhai napinungka ni sijolojolotubu, Boru do sihunti ampang namarisi sipanganon sibuhabuhai. Ala
>. Taringot tu godang ni sipanganon sibuhabuhai, siboanon ni pihak paranak, nungnga tertentu, ima nadibagasan ampang i, jadi, asa unang terjadi hurang indahan sipanganon ni peserta , ingkon parboru do na berinisiatip manambai
>. Sipanganon sibuhabuhai nabinoan ni pihak paranak,bernilai penghormatan do i tu parboru, jadi boi dohonon, surung surung ni parboru do i; sian i nungnga tarida, dang marbagi jambar di ulaon marsibuhabuhai. Molo dipadalan parboru pe angka namargoar i dipihakna, na mamiring do goar ni i, jala napatutna doi ; jadi, ala na bernilai penghormatan do Tudutudu ni sipanganon nabinoan ni pihak paranak i, tontu dang patutna adong mulak i tu pihak paranak.
29. Taringot tu Pariban
Najolo, anak ni namboru dohot boru ni Tulang do na marpariban, jadi Baoa dohot borua do na marpariban; alai diangka tingki na parpudion, tubu do istilah (pandohan) pariban sian haha anggi ni na nialap (isteri), gabe marpariban ma Baoa tu Baoa, songon i nang Borua tu Borua.
Molo digorahon jambar tu pariban tanpa menyebut pariban sian dia, pada umumna, pariban sian isteri do na manjalosa, sementara pariban boru ni Tulang dang digorahon, gabe dang dapotan jambar.
Dung dijalo Hulahula jambarna, pada umumna, digorahon do sian jambarna i tu boruna, pada hal, pariban ni suhut i do boru nasida i; gabe duahali dapotan ma pariban sian isteri, sementara pariban boru ni tulang dang dapotan.
Dung niboan kasus on tu forum diskusi ni para kritisi adat, dilehon nasida do pandapotna songon on : Nanihara ni Hulahula do dalihan natoluna patorophon uduranna (Dongantubu, Hulahula dohot Boru). Hulahula ni Hulahula i, ima Tulang rorobot ni suhut paranak, jala Boru ni Hulahula i, ima Pariban ni suhut; mestinya, Hulahula na marhara i do pasahathon jambar tu nani harana, dang suhut paranak i na manggorahon langsung tu nasida; jadi molo digorahon suhut pe jambar tu pariban, ba Pariban boru ni tulang do nanimaksudna disi; songon i ma pandapot nasida
30. Tona dohot Poda.
*. Ansimun sisada holbung, *. Sori manungkun tu sori mandapot,
tu Pege na sangkarimpang; sai matua manungkun do tu
tu toru rampak manimbung, nanidapot.
mangangkat rampak tu ginjang
*. Aek siurukuruk, tu silanlan Tao toba, *. Tinallik bulung sihupi, pinarsaong
Nametmet dang marungut ungut, bulung siala; unang sumolsol dipudi,
na magodang pe mar las ni roha ndada sipaingot nasoada.
*. Alaili, alailo, natingkos i gabe pilit, molo *. Silompa Lali na habang
so malo.
*. Anak panunda so haru ni seat, *. Salimbabbab salimbubbub, solot di
Boru pahilolong so haru ni nongnong Peapea Sahali pe iba margabus,
matua jolma, dang porsea.
*. Adat do na metmet, adat do nang *. Sipigo Ambaroba, rara
Nabalga hulinghulingna.
Nauli do na roa, molo denggan
panghulingna.
*. Bangun bangun sinuan ,bangun bangun *. Balga tiang ni Ruma, balgaan tiang
salongon, Ia songon i sinuan, songon i ni Sopo Nungnga gabe na tumua,
do jaloon sai unggabean ma na umposo
*. Bagot na madungdung, tu Pilopilo na *. Dolgi ranggas, dihunduli Bodat.
marajar; Ngali Aek di ingani Dengke
Tading ma na lungun, sai ro ma
na jagar.
*. Jolo tinintip Sanggar, binahen *. Disi tano nidege, disi langit
Huruhuruan; jolo sinungkun marga, asa nijujung.
binoto partuturan.
*. Sisoli soli do Adat, siadapari gogo *. Dolgi nasa Eme, halang nasa 0buk.
Nasinuan tubu, niumpat malos.
*. Bagabaga tu Jolma, tumundahon hansit *. Metmet bulung ni Jior, ummetmetan
ni roha; bagabaga tu Begu, tumundahon do bulung ni banebane Denggan do
parsahiton hata tigor, degganan do hata sae.
*. Nirimpu parhunihan, hape pargadongan; *. Naget unang tarkutuk Manat unang
Nirimpu parsaulian, hape hamagoan tarrobung
*. Dang dao Tubis sian bonana, molo dao, *. Jolo nidilat bibir, asa nidok hata.
diharat Babi.
*. Disi Situngguk, disi Sitata. *. Hatana, mapultak Gambiri
Disi hita juguk,,disi do ompunta
namartua Debata
*. Ijuk diparapara, hotang diparlabian; *. Manuk ni Pealangge, hotekhotek laho
nabisuk nampuna hata, naoto tu marpira; Sirang na maraleale, lobi
pargadisan. sian na matean Ina.
*. Langkitang gabe Hapur,Nahinilang *. Landit jala porhot gota ni
ingkon mambur. simargalagala, hansit jala ngongot,
naung adong gabe soada.
*. Dang sundat Pudung,atik pe so sangkot *. Pitu batu martindi, sada sitaon
gabe Palia, Dang sundat adat dohot nadokdok.
uhum, ala ni naso sadia.
*. Ndada simanukmanuk manang sibontar *. Lambat, adong pinaimana ; hatop,
andora, ndada sitodo turpuk siahut lomo adong naniaduna.
ni roha; tung sae do marguru di ompunta,
namartua Debata
*. Gala gala nasa botohon, *. Bintator pandingdingan, simartolu
Molo dung sogo roha,runsam ma hata panghomhomna, Parhata tingkos
dohonon. hagigian, soada hinonghopna.
*. Galagala nasa botohon, *. Binuat napuran,binahen tu Tagan,
tung pe sogo roha,marrumang do hata Emas dohot binahen tu Sondi
dohonon. Hulahula pasahat ulos ni badan,
Debata do napasahat ulos ni Tondi
*. Ganjang dang tuk, jempek maralit alit
*. Hotang binebebebe, bonang nipulospulos;
sai unang iba mandele, godang do
tudostudos.
*. Hata mamunjung, hata lalaen, hata torop
sabungan ni hata
31. Prakiraan tahun kelahiran Sirajabatak
Catatan :
Berdasarkan cerita rakyat dan data kepustakaan yang ditulis oleh marga Siregar tentang riwayat Nainggolan Parhusip gelar Silindi ni Aek, disebutkan bahwa Raja Manghuntal (Sisingamangaraja I) lahir pada tahun 1520, dan dinobatkan menjadi Raja pada tahun 1550, menggantikan marga Manullang Raja Huta di Bakkara.
Sejarah dunia mencatat, bahwa Portugis menaklukkan Negeri Melaka pada tahun 1511, berarti, Raja Manghuntal (Raja Sisingamangaraja I) belum lahir pada masa itu.
0 Response to "C. Materi bahasan"
Post a Comment